སྲོད་ལ་བཏང་བའི་འཕྲིན།
དྲན་སྣང་རྒྱུད་སྐུད་འཐེན་པའི་དབྱངས་དང་གསལ་བྱེད།།
རྟེན་འབྱུང་མེ་ཏོག་གད་པའི་ཁོག་གི་ཞེ་གླུ།།
མུན་དོང་ཆར་སྨག་སྟུག་པའི་སྐྲ་ལོ་ཁམ་པ།།
རྣ་རྒྱན་སིལ་བུ་བརྡར་བའི་སྒེག་པའི་འཁྱོར་འགྲོས།།
ཆང་དྲི་དྲན་པར་ཕོག་པའི་སྣང་བ་ཟ་ཟི།།
འདང་སྐུད་སྐྱོ་གདུང་འཐབ་པའི་འཁོར་བའི་ས་སྲོད།།
འཆར་དབྱངས་དྲན་ནད་ཐེབས་པའི་གདུང་བ་མག་མོག།
ཡུན་འདྲེས་སྙིང་ཤ་ངུ་བའི་མིག་མཐའི་སྒྱུ་འཕྲུལ།།
ལ་གཞས་གཅོང་ངག་འཁུ་བའི་རུ་གྲོང་གཏམ་རྒྱུད།།
ཟུར་མིག་ལྷོད་ཤ་བབས་པའི་འཛུམ་གྱི་མདའ་མོ།།
སེམས་གྱི་སྒོ་གླེགས་ངོས་ཀྱི་འབེན་དུ་ཚུགས་པས།།
འཁོར་བའི་ཡ་ཆུང་ཁོག་གི་གཏམ་རྒྱུད་དཀར་དམར།།
རྨི་ལམ་ཕྱང་ཕྲུལ་སྙན་པ་དུས་ཀྱི་རོལ་མོ།།
ཞེ་འཛུམ་འཇམ་ཤ་ལྷུང་བའི་སེམས་ཀྱི་ནད་པ།།
དུས་ཀྱི་དྲན་པའི་ཁུད་ནས་འཇགས་ཐབས་མ་བྱུང་།།
རྣམ་ཤེས་ཚོགས་ཆེན་དྲུག་པོས་ཡུན་གྱིས་མྱོང་རུང་།།
ཞེ་ཡིད་ཚིམ་པ་མེད་པའི་འདོད་ཡོན་ལན་ཚྭ།།
སྐྱེ་བ་བརྒྱད་ཁྲིར་བཞག་པའི་ལན་ཆགས་རི་མོ།།
མི་མཇེད་འཇིག་རྟེན་འདི་ཡི་ས་སྲོད་ངོགས་སུ།།
བྲིས་ནས་རྫོགས་པ་མེད་དོ་ཡིད་ཀྱི་སྙིང་ལགས།།
རྟེན་འབྱུང་མེ་ཏོག་གད་པའི་ཁོག་གི་ཞེ་གླུ།།
མུན་དོང་ཆར་སྨག་སྟུག་པའི་སྐྲ་ལོ་ཁམ་པ།།
རྣ་རྒྱན་སིལ་བུ་བརྡར་བའི་སྒེག་པའི་འཁྱོར་འགྲོས།།
ཆང་དྲི་དྲན་པར་ཕོག་པའི་སྣང་བ་ཟ་ཟི།།
འདང་སྐུད་སྐྱོ་གདུང་འཐབ་པའི་འཁོར་བའི་ས་སྲོད།།
འཆར་དབྱངས་དྲན་ནད་ཐེབས་པའི་གདུང་བ་མག་མོག།
ཡུན་འདྲེས་སྙིང་ཤ་ངུ་བའི་མིག་མཐའི་སྒྱུ་འཕྲུལ།།
ལ་གཞས་གཅོང་ངག་འཁུ་བའི་རུ་གྲོང་གཏམ་རྒྱུད།།
ཟུར་མིག་ལྷོད་ཤ་བབས་པའི་འཛུམ་གྱི་མདའ་མོ།།
སེམས་གྱི་སྒོ་གླེགས་ངོས་ཀྱི་འབེན་དུ་ཚུགས་པས།།
འཁོར་བའི་ཡ་ཆུང་ཁོག་གི་གཏམ་རྒྱུད་དཀར་དམར།།
རྨི་ལམ་ཕྱང་ཕྲུལ་སྙན་པ་དུས་ཀྱི་རོལ་མོ།།
ཞེ་འཛུམ་འཇམ་ཤ་ལྷུང་བའི་སེམས་ཀྱི་ནད་པ།།
དུས་ཀྱི་དྲན་པའི་ཁུད་ནས་འཇགས་ཐབས་མ་བྱུང་།།
རྣམ་ཤེས་ཚོགས་ཆེན་དྲུག་པོས་ཡུན་གྱིས་མྱོང་རུང་།།
ཞེ་ཡིད་ཚིམ་པ་མེད་པའི་འདོད་ཡོན་ལན་ཚྭ།།
སྐྱེ་བ་བརྒྱད་ཁྲིར་བཞག་པའི་ལན་ཆགས་རི་མོ།།
མི་མཇེད་འཇིག་རྟེན་འདི་ཡི་ས་སྲོད་ངོགས་སུ།།
བྲིས་ནས་རྫོགས་པ་མེད་དོ་ཡིད་ཀྱི་སྙིང་ལགས།།
ས་ཕག་ལོའི་ཟླ ༡༠ པའི་ཚེས ༡༠ ཉིན་སོའུ་ཀྲུའུ་གྲོང་ཁྱེར་ནས།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།