ངས་དྲིས་མྱོང༌།
 ངས་མཛོ་གཡག་ལ་དྲིས་མྱོང༌།   ཁོ་གཉའ་ཤིང་ལ་སྐྲག་ཟེར།
 ངས་སྒོ་ཁྱི་ལ་དྲིས་མྱོང༌།           ཁོ་ལྕགས་ཐག་ལ་སྡང་ཟེར།
 ངས་ནེ་ཙོ་ལ་དྲིས་མྱོང༌།           ཁོ་ལྕགས་ཁྲ་ལ་ཁྲོ་ཟེར།
 ངས་ར་ཕོ་ལ་དྲིས་མྱོང༌།            ཁོ་བཤན་པ་ལ་ཞེད་ཟེར།
 ངས་བདག་མེད་ཀྱི་གཙོད་ཚོགས་ལ་དྲི་སྐབས།
 ཁོ་ཚོ།       གྲང་ངར་གྱི་ཁོར་ཡུག་ལ་དཔའ་མི་ཞུམ།
 དེ་ལས།     འཕྲུལ་མདའ་འཁྱེར་བའི་རྔོན་པར་ཤིན་ཏུ་འཇིགས་ཟེར།
 འོ་ན།       ཁྱེད་ཚོ་ང་ལ་འཇིགས་སམ།
 ཁྱེད་མི་ཡིན་ནམ།      ཡིན་ན།        སྔར་བཞིན་འཇིགས་ཟེར།
 ངས།     ལག་པ་བསྐྱང་སྟེ་ཁོ་ཚོར་བྱིལ་བྱིལ་བྱ་རྩིས་བྱ་སྐབས།
 གློ་བུར།   སྐྱི་གཡའ་བའི་མེ་མདའི་སྒྲ་ཞིག་གིས།
 ཁོ་ཚོ་འདྲོགས་ཏེ་གར་སོང་མེད་པར་ཡལ།
 ང་རང་ཡང་རྨི་ལམ་ཞིང་ལས་བསླངས།
 གཉིད་ལས་སད་དུས།
 ད་དུང༌།      ལག་པར་གཙོད་ཀྱི་སྤུ་རྐང་གཅིག་འཁྱེར་འདུག
 ཕྲ་མ་ལས་ཕྱིར་ལྟ་སྐབས།
 འོ།    དེ་རིང་གི་གནམ་གཤིས།
 གནམ་འཐིབས་ཤིང་གྲང་རླུང་ལྡང་བ།
        ཞེས་པ་འདི་ཡང་ལྷ་ས་སློབ་འབྲིང་གི་དགེ་མིང་འཛིན་པ་བསོད་ནམས་ཚེ་རིང་བྱ་བས་པེ་ཅིན་བོད་ལྗོངས་སློབ་འབྲིང་དུ་
དྲ་ཐོག་ནས་གློག་བརྙན<<ཁུ་ཁོ་ཤི་ལེ>>ཞེས་པར་བལྟས་རྗེས་བསམ་པའི་འཆར་སྒོ་སྣ་ཚོགས་འཛིང་བཞིན་དུ་སྦྱར་བའོ།  

རྩོམ་ཁུངས། ངེད་དྲ་བ།