མག་མོག་གི་ཟླ་འོད་འོག་ནས།།
མི་ཡུལ་གྱི་ཕྲེང་ལམ་ཀྱག་ཀྱོག།
བརྩོན་འགྲུས་ཀྱི་གོམ་ཁས་བགྲོད་སྐབས།།
ཉམ་ཆུང་གི་ཚེ་སྲོག་ཕྲ་མོ།།
རྒྱུས་མེད་ཀྱི་རི་ལུང་ཞིག་ན།།
འགག་ལ་ཉེ། འགག་ལ་ཉེ། འགག་ལ་ཉེ། ཨོའོ།།
བཅོས་དཀའ་བ་གནམ་བསྐོས་ཀྱི་ལས་དབང༌།
དཀའ་སྡུག་གི་ནམ་ཟླའི་ཁྲོད་ནས།།
ཆ་མེད་ཀྱི་མི་ཡུལ་འཇིག་རྟེན།།
དབང་མེད་དུ་དང་ལེན་བྱེད་སྐབས།།
ཤེས་རིག་གིས་དབུལ་བའི་སེམས་པ།།
ཚན་འཕྲུལ་གྱི་རྒྱལ་ཁམས་ཤིག་ན།།
བག་ལ་ཞ། བག་ལ་ཞ། བག་ལ་ཞ། ཨོའོ།།
བགྲོད་དཀའ་བ་མི་ཡུལ་གྱི་ལམ་ཁ།།
བཅོས་དཀའ་བ་གནམ་བསྐོས་ཀྱི་ལས་དབང༌།།
མི་ཚེ་ཡི་རྨི་ལམ་ངོགས་ནས།།
མངར་སྐྱུར་གྱི་འཇིག་རྟེན་འཚོ་བ།།
གཉོམ་ཆུང་གི་སེམས་པས་མྱོང་སྐབས།།
བདེ་སྡུག་གིས་བཅོམ་པའི་མི་ལྡོམ།།
ངེས་མེད་ཀྱི་ས་མཐའ་ཞིག་ནས།།
ཅི་ཞིག་ལ་རེ་ཞིང་སྙེག  ཅི་ཞིག་ལ་རེ་ཞིང་སྙེག
ཅི་ཞིག་ལ་རེ་ཞིང་སྙེག ཨོའོ།།
བགྲོད་དཀའ་བ་མི་ཡུལ་གྱི་ལམ་ཁ།།
བཅོས་དཀའ་བ་གནམ་བསྐོས་ཀྱི་ལས་དབང༌།།

རྩོམ་ཁུངས། ངེད་དྲ་བ།