དེ་ནི་ཁེར་རྐྱང་གི་ཤོག་ལྷེ་ལྗི་མོ་ཞིག་རེད
དེ་ནི་ཤོག་ལྷེའི་ངོས་ཀྱི
སྣང་བ་སྟོང་བ་དེ་དང་གྲང་མོ་དེ་རེད

འདི་ནས  ཡར་ཡར་ལ་བལྟས་ན
ལྟོགས་ཀྱིན་པའི་མི་རྐྱང་ཞིག་གི་བྲང་ཁོག་དང
ཚོང་རྫས་རྫུན་མ་སྲེག་གིན་པའི་དྲི་ངན་ཞིག་ལས
རང་གིས་བྲིས་པའི    ངོ་གདོང་གི་འཛུམ་རིས་མཐོང་བ་མ་རེད

རླུང་བུ་སུ་ཞིག་གི
མཆུ་སྒྲོས་ལས་ཤོར་བའི་གསང་བ་དང་འདྲ་བར
ཁད་ཁད་ཀྱིས  ངའི་རྣ་འགྲམ་ནས་སྙིང་ཁ་ལ་ཟུག་གིན་འདུག
ཤི་བོ་ཞིག་ལོག་འདྲའི་ཉལ་ཚུལ་ལ་བསམ་ན
ངལ་དུབ་ཀྱིས་མནར་བའི་ང
མྱུར་ཏུ  མཛེས་སྡུག་གི་གང་ལ་འགྲོ་རན་རེད་མོད
ཕྱི་གཡོག་ནང་གཡོག་འདིས་གཏོང་བ་མ་རེད
 

རྩོམ་ཁུངས། ངེད་དྲ་བ།