_______Y.B.J.ཕུལ་བ།
བློར་མི་འབབ་པའི་ཐོབ་ཐང་སྦྱོར་ཚུལ་དེའི་དབང་གིས
ཁྱོད་རང་རྗེས་འཇུག་མ་ཡིག་དང་མ་སྦྱར་ན
སྐྱོན་ཅན་དུ་ཐལ་འགྲོ
ཏག་ཏག་ཁྱོད་རང་མ་ཡིག་མ་གཏོགས་སྦྱར་མི་ཆོག་པའི
སྡོམ་ཚིག་དེ་མཐོང་དུས
ངས་རང་ཉིད་ཀྱི་ཡང་འཇུག་དེ་གཡུག་འགྲོ་བར་ཐེ་ཚོམ་མི་འདུག
ང་རང　　ཕྲེང་བསྒྲིགས་པའི་ཤོ་ལོ་ཀ་དེའི
མགོ་མཇུག་གང་རུང་དུ་བསྡད་ནས
ཁྱོད་རང་ཚིག་བཅད་གཞན་པ་ཞིག་གི
མ་མཐར་ཡོད་པ་མཐོང་དུས
ངས་ཤོ་ལོ་ཀ་འདི་སིལ་བུར་གཏོར་ནས
ཁྱོད་ཀྱི་ཉེ་འགྲམ་གྱི་མ་ཡིག་དེའི་མགྲིན་པར་འཇུ་འདོད
འདུས་བྱས་སོ་ན་མི་གནས་པའི་གཤིས་ལུགས་ལ་བསམ་བློ་བཏང་ན
ང་ཚོས་ཡང་བསྐྱར
ཚིག་ཕྲད་ཀྱི་རྣམ་བཞག་ཅིག་གསར་དུ་བསྒྲིག་ན་ཅིས་མི་ཆོག
ཁྱོད་རང་ལ་ཡིག་དང་ས་ཡིག་གང་རུང་ལའང
སྦྱར་ཆོག་པའི་སྡོམ་ཚིག་བྲིས་ན་ཅིས་མི་ཆོག
དེ་དུས་ཁྱོད་མཐའ་རྟེན་ས་ཡིག་ཡིན་པར་མོས་ན
ང་ལ་དོན་གྱི་ཚིག་ཕྲད་སུ་ཡིག་ཡིན་ཆོག

རྩོམ་ཁུངས། ངེད་དྲ་བ།