གཅིག་གི་སྟེང་ལ་བཅུ་བསྣན་ན
འོག་མ་བོ་གཅིར་མི་འགྲོའམ

བརྒྱ་ཡི་ནང་ནས་བཅུ་འཐེན་ན
བཅུ་ཤོག་འགའ་ཡིན་ནམ ཉི་ཤུ་ཤོག་ཁ་ཤས་ཡིན

ཡང་ན  སྒྱུར་རྟགས་དེ་འགྲོ་བ་མིའི་རིགས་ཀྱི
སྐྱེ་འཕེལ་བརྒྱུད་རིམ་ཞིག་ཡིན་ནམ
ཡང་ན  བགོ་རྟགས་ཀྱི་ཕར་ཕྱོགས་ནའང
མཉམ་རྟགས་ཤིག་ཡོད་ན
ཁྱོ་ཤུག་ཁ་ཤས་འཐོར་ཏེ་བསྐྱར་ཏུ་འགྲིག་ནའང
ཅི་ལ་མི་ཆོག

ཡིག་རྩིས་ཁ་ཤས་ཀྱིས
ང་ཚོའི་མ་འོངས་པ་བཞིན
རང་གི་ཐོབ་འབྲས  རང་གིས་ཀྱང་ཤེས་ཀྱི་མི་འདུག

གནའ་ཤི་བོ   རྩིས་རིག་ཁྱོད
འདྲི་ཚིག་ཆེས་མང་བའི་བྱིས་པ་སྣབས་དྲུད་ཅིག་རེད

རྩོམ་ཁུངས། ངེད་དྲ་བ།