སྔོན་ཆད་དང་བསྡུར་ན
ཁྱོད་ལྡབ་ཀྱིས་འགྱུར་འདུག
ནམ་མཁའ་དང་ས་གཞིའི་ངོ་གདོང་ཁ་བས་གཡོགས་དུས
ཁྱོད་ཁེར་ཧྲེང་ངེར་འོང་ཞིང
ཁེར་ཧྲེང་ངེར་བུད་སོང

བཞུར་གྱིན་པའི་ནམ་མཁའི་ཆུ་ཕྲན་དང་མིག་ཆུ
ཏག་ཏག མཚན་མོ་ཞིག་གི་རྒྱབ་ནས་བཞུད་དུས
ཁྱོད་ཀྱི་རུམ་ལ་བཅུག་པའི་བརྩེ་བ་དང་དུང་བ་ཐང་ལ་གཡུག་ནས
གདོང་ནམ་མཁར་གཏད་ནས་འགྲེང་ནས་མཁན་ཚོའི་རྗེས་སུ་སྙེག་སོང

སྙན་ངག་པར་སྐྱེམས་ཆང་ལྡུད་འདོད་ན
བརྩེ་བ་དང་དུང་བ་ལྷག་བསམ་དང་ལང་ཚོ་མེད་ན
ཆང་ཁོ་ནས་ཅི་བྱ
ཁྱོས་དོན་ངོ་མ་བསུ་འདོད་ན
བརྩེ་བ་ཁྱེར་ཤོག དུང་བ་ཁྱེར་ཤོག
ད་དུང

རྩོམ་ཁུངས། ངེད་དྲ་བ།