དཀར་ཡོལ་ནས་འབྲུ་མ་བཞི་བོ།
སྐུ་འབུམ་ཚོང་ར་ནས་ཉོས་པ་རེད།
དཀར་ཡོལ་ནས་འབྲུ་མ་བཞི་ཉོ་དོན།
ཕུ་ནུའི་འདང་བརྩེ་དེས་བསྐུལ་བ་ཡིན་ངེས།

དཀར་གཙང་གཙང་དེ་དཀར་ཡོལ་གྱི་ཁ་དོག་ཡིན་ན།
ཚ་ལམ་ལམ་དེ་ཕུ་ནུའི་འདང་བརྩེ་ཅི་ལ་མིན།
དཀར་ཡོལ་བཞི་བོ་སྒམ་སྤུན་ཡིན་ན།
ཕུ་ནུ་བཞི་བོ་སྲོག་སྤུན་ཅི་ལ་མིན།

དཀར་ཡོལ་ནས་འབྲུ་མ་བཞི་བོ།
ངས་ནམ་རྒྱུན་བཀྲུས་ཤིང་ཕྱིས་པ་ཡིན།
དཀར་ཡོལ་ནས་འབྲུ་མ་བཞི་བོ།
ཕན་ཚུན་ལ་ཐོགས་ཏེ་སིང་སྒྲ་གྲགས་དུས།
ངའི་སེམས་པར་ཙག་ཤད་རྒྱག་ཀྱིན་ཡོད།
ངའི་སྙིང་ལ་ཟུག་གཟེར་སྐྱེས་ཀྱིན་ཡོད།

རྩོམ་ཁུངས། ངེད་དྲ་བ།