ངའི་སྲིང་ཆུང་བུ་མོ་ལོ་ཆུང་ཡིན།།
ལོ་ཆུང་རུང་ཕ་མས་གནས་ལ་བྱིན།།
གནས་འགྲོ་སའི་ཁྱིམ་ཚང་རྒྱུས་མེད་ཡིན།།
ངའི་སྲིང་ཆུང་བུ་མོ་གནམ་གྱིས་སྲུང༌།།

ངའི་སྲིང་ཆུང་བུ་མོ་གནས་ན་ཡོད།།
ས་ཁ་ཐག་རིང་བའི་སྡེ་ན་ཡོད།།
གཡུག་ལས་ཀའི་ཕྱོགས་ལ་འབད་བཞིན་ཡོད།།
ངའི་སྲིང་ཆུང་བུ་མོ་གནམ་གྱིས་སྲུང༌།།

ངའི་སྲིང་ཆུང་བུ་མོ་གནས་ན་ཡོད།།
གྱོད་ཁ་མཆུ་མེད་ལ་བདེ་ནས་ཡོད།།
ཚིག་ཕྲ་མ་མ་བཤད་སྐྱིད་ནས་ཡོད།།
ངའི་སྲིང་ཆུང་བུ་མོ་གནམ་གྱིས་སྲུང༌།།

ངའི་སྲིང་ཆུང་བུ་མོ་གནས་ན་ཡོད།།
རྒན་མགོ་དཀར་རྣམས་པ་བརྩི་བཞིན་ཡོད།།
ཆུང་སོ་དཀར་རྣམས་པ་སྐྱོང་བཞིན་ཡོད།།
ངའི་སྲིང་ཆུང་བུ་མོ་གནམ་གྱིས་སྲུང༌།།
                                      5／1／2007

རྩོམ་ཁུངས། ངེད་དྲ་བ།