ཁ་གྲགས་དུས
ཁ་གྲགས་དུས་བརྩེ་དུང་བཤད་ཀྱིན་མེད་ཀྱང
བརྩེ་དུང་གི་མངར་ཁ་རོལ་གྱིན་ཡོད
མངར་ཁའི་ཁྲོད་ན་ན་ཟུག་དང་རོལ་དབྱངས་ཡོད་ལ
འདུན་པ་དང་རེ་བ་ཡོད་པའང་ཚོར་གྱིན་འདུག

ཁ་གྲགས་དུས
ཁ་གྲགས་དུས་རང་དབང་ཟེར་གྱིན་མེད་ཀྱང
རང་དབང་གི་རྣམ་ཤེས་འབོད་ཀྱིན་ཡོད
རང་དབང་མེད་པའི་བརྩེ་དུང་གི་ནང་ན
དགའ་སྡུག་གཉིས་ཀྱི་སྙིང་གཏམ་བཤད་ཀྱིན་འདུག

ཁ་གྲགས་དུས
ཁ་གྲགས་དུས་མ་འོངས་པ་མི་ཤེས་ཀྱང
རང་ཉིད་ཀྱི་སྒོ་ཆེན་ལ་ལྕགས་ཟྭ་ཞིག་རྒྱབ་ཡོད་པ་མཐོང
ལྕགས་ཟྭ་དེ་གཏོར་མ་ཐུབ་ཀྱང་གཏོར་བར་སྙེག་ནས
ཉི་འོད་མེད་པའི་མཚན་མོ་ཞིག་གི་འཚོ་བའི་ཁྲོད་ན་ལུས་འདུག

                         ༢༠༠༩ལོའི་ཟླ༨ཚེས་༡༢ཉིན་ལྷ་ས་ནས།

རྩོམ་ཁུངས། ངེད་དྲ་བ།