ཁྱོད་ཀྱི་ཚེ་སྲོག་བདག་དོན་དུ་ཤོར་རྗེས
ལྷ་སའི་ཇོ་བོར་ཐོད་པ་གཏུག་མཁན་ཚོ་ཅི་མི་སྙམ་པར་འདུག
ལྷ་ལུང་དཔལ་རྡོར་ལྷ་རུ་བཀུར་མཁན་ཚོས་གླེན་རྟགས་རེད་ཟེར
རྒྱ་མི་བཟའ་སྤྲུལ་བར་ཁས་འཆེས་མཁན་ཚོས་སྡུག་གྱོང་རེད་ཟེར

ཧི་མ་ལའི་གངས་རྩེ་ནས་རྒྱང་གཟིགས་གནང་ནས
རྨ་འབྲིའི་ཚེ་སྲོག་ལ་མྱ་ངན་འཁོར་གྱིན་པ་མཐོང་མཁན
ད་ལྟ་འདི་ལྟར་འོད་སྣང་གིས་བཞུད་རྗེས
རང་ཡུལ་ན་ཁ་བ་མེད་པའི་སྣང་ཚུལ་འདི་ཇི་ལྟར་འགྲེལ་ལམ

ལན་དྲུག་ན་ཁ་བ་འབབ་ཀྱིན་མེད་ཀྱང
བདག་སེམས་ན་འཁྱགས་ཀློང་མོད་པའི་དེ་རིང
སྡོང་ལོ་རླུང་གིས་འཁུར་བའི་ལས་དབང་འདི་ཆོས་ཉིད་ཅིག་རེད་མི་སྙམ་ལ
ས་གཞི་འཁྱགས་ཀྱིས་གས་པའི་རྨ་ཁ་འདི་རང་བྱུང་ཞིག་རེད་ཡེ་ནས་མི་འདོད
སྙན་ངག་གཅིག་གི་སྐྱེལ་མ་ལས་མེད་པའི་ཁེར་རྐྱང་བ་སུ་ཞིག་གིས
དོ་ནུབ་ཁྱོད་ཀྱི་དོན་དུ་གྲང་འདར་རྒྱག་དོན
སུ་ཞིག་གིས་འགྲེལ་མི་དགོས་པའི་ཐ་སྙད་གཉིས---མི་རིགས

རྩོམ་ཁུངས། ངེད་དྲ་བ།