མེ་ཏོག་གི་ལན་བུ  སྒོ་རའི་གཅོང་རོང་གིས་བསྣོགས

ཉི་ཟེར་གྱི་སོ་མང་ཐོགས་པའི་སྤྲིན་པ་ལེབ་མོ་ཞིག་གིས

ས་ཆེན་གྱི་སྐྲ་ལོ་ཤད་ཀྱིན་ང་ཡི་བར་སྣང་བྲེགས

སྒེའུ་ཁུང་གི་རྒྱ་ཁྱོན  སྒེའུ་ཁུང་གི་རྒྱང་རིང་གིས་བཅད

ཉི་ནུབ་ཀྱི་གཡུལ་ངོར

ཡུལ་ལ་ལོག་བཞིན་པའི་བསིལ་རླུང་ཞིག་གིས

དུས་ཚོད་ཀྱི་གྲུ་གུ་བཤིགས་ཏེ་རྩེད་མོ་རྩེ

འཚམ་སྤྲིན་གྱི་བག་ཆགས 

གཙུག་ལག་ཁང་གི་བླ་བྲེས་སུ་ཐོར་རྗེས

ངས  ནམ་སྨད་ལྟ་བུའི་སྐྱེ་བར་བསྒུག་སྟེ

ཟླ་འོད་ཀྱི་ཐ་གུ་ལྷ་སའི་ས་སྲོད་དུ་བཏགས

རྩོམ་ཁུངས། ངེད་དྲ་བ།