---རང་དབང་གི་ཆེད་དུ་གཤེགས་ཟིན་པའི་མི་མཐའ་དག་ལ།  

རྣམ་ཤེས་རྟ་རྒོད་ཀྱི་རྨིག་སྒྲས་སྒུལ་བའི་ཞོགས་ཟིལ་བཞིན་དྭངས་གཙང་དུ་འཐོར

སྨྲ་ལྕེ་དང་ལག་ཟུང་ཀྱང་ལྕགས་ཀྱི་སྡེར་མོས་བར་ནས་ཁད་ཀྱིས་འཇགས

གང་སར་མཆེད་ནས་འོང་བ་མདེའུ་སྐད་ཀྱིས་དེད་པའི་རང་དབང་གི་ངུ་འབོད་ཉིད

ཐང་དུ་འགྱེལ་བའི་ལུས་པོ་ནི་དྲག་ཏུ་འབར་པའི་མེ་ཕུང་ཞིག་སྟེ

ཁྲག་ལ་སིམ་པའི་མིག་འོད་ཀྱིས་རང་དབང་གི་དཀར་ངོགས་འཚོལ་གྱིན་ཡོད་ལ

ལྷེམ་ཙམ་འགུལ་བའི་མིད་ཐག་གིས་ཀྱང་ད་དུང་བསྒྲགས་གཏམ་སྤེལ་གྱིན་འདུག་ཨང

ཁྲག་ནང་གི་མི   མེ་ཏོག་གི་རལ་གྲི་ཐོགས་པའི་གཡུལ་འགྱེད་པ

                                                                       2009.7.8ཉིན།

རྩོམ་ཁུངས། ངེད་དྲ་བ།