ནམ་ཟླ་འདིར། ཁ་བ་མེད་པར་ཆར་བ།
____སྙན་ངག་པ་་ཡི་དམ་ཚེ་རིང་ལགས་རྗེས་སུ་དྲན་པ།
ཐ་སྙད་ཀྱི་གྱང་གོག་རྡུང་པའི་ནོར་འཁྲུལ་དེ་ལས
རྨ་ཁར་ཕྱོགས་ནས་ཆད་པའི་ས་རྡུལ་གྱི་རྒྱ་ཡན་མཆེད་ཅིང
ཁ་བའི་འདབ་མ་ས་རུ་བྲུལ་བའི་ཟློས་གར་གྱི་འཁྲབ་ཚིག་བྲིས
གངས་འཁྱག་གི་ནམ་མཁར་བཏབ་པའི་ཡིག་འབྲུ་རེ་རེས
དག་ཡིག་གི་སྐྱེ་བ་བླངས་ཏེ་ཞོལ་རྡོ་རིང་གི་སྐད་ཆ་བསླབས་ཤིང
དུས་ཚོད་ཀྱི་བཞད་ཁ ལོ་རྒྱུས་ཀྱི་དགུན་ཁ་ནས་ཕྱེས་པ་ན
ཨ་མས་སྙིང་ནས་གདམས་པའི་དམངས་གླུ་ཞིག་ཤུགས་ཀྱིས་གྱེར
རྣོ་སྐུད་ལྟ་བུའི་ཚོགས་འདུ་ཞིག་བསྡུས་ཟིན་ནའང
སྐད་ཆ་བཤད་མཚམས་ཤིག་གིས ཚེ་མ་ཕྱིད་པར
ངའི་འཆི་བའི་བར་དུ་བརྒྱངས
རྩོམ་ཁུངས། ངེད་དྲ་བ།