རིགས་རྒྱུད་འདིའི་རྫ་སྒང་གི་ཉིན་སྲིབ་ལ་སྐོར་ཐེངས་གཅིག་རྒྱག་འདོད་ཀྱིས
འཕུར་རྩལ་གཉོམ་པོའི་གཤོག་ཟུང་འདི་རྡེབ་ཙམ་བྱས་དུས
སྒང་གཤོང་དང་རི་བྲག་གི་རྒས་གཉེར་མཐོང་ཞིང
རྫི་བོ་དང་ལུག་ཁྱུའི་འཇིགས་སྣང་དྲན
སྤྲིན་པར་ཆར་ཆུ་འཛད་པའི་ལོ་ཟླའི་ནང
དུས་ཚིགས་ལ་ཁ་དོག་མེད་པ་ངོ་མ་ཡིན་ལ
ཉི་འོད་ཀྱིས་མེ་ཏོག་བསྲེགས་པའང་བདེན་པར་སྣང
 
ཚོར་བ་ཞིག  ཁེར་རྐྱང་གི་སེམས་ངོས་ན་བཞུར་དུས
དར་ལྕོག་གི་གཟུངས་སྔགས་བྲག་ཅར་བཅོལ་བའི་གོ་དོན་དེ
 བྲག་སྐྱིབས་དེར་གནས་བཅས་པའི་བྱ་ཁྱུ་དེའི་ལུང་བསྟན་དང
འབའ་སྐད་ཀྱི་འཚོལ་སྙེག་དུ་བསྟར་བའི་ལུག་རྟིང་དེའི་ཨ་མ་ལགས
རྒྱུ་མཚན་གཞན་ཞིག་གིས  ལྗང་མདོག་གི་ནགས་ལོ་འཚུབ་མས་ཁྱེར་བས
འབྲོང་ཁྱུ་དེས་ཆེས་མཇུག་མཐའི་སྔོ་རྩྭ་ཁམ་གང་ལྡད་ཀྱིན
 
འགྲམ་པ་ལག་མཐིལ་ན་རྒས་པའི་སྐུ་དྲག་དེ་ཇི་བཞིན
ས་ཆེན་གྱི་ཕང་བར་བསྙེས་ནས་མནོ་བསམ་ཐོག་མ་གཏོང
ཏག་ཏག   སྤྲིན་དམར་ཁྲག་ཏུ་འཁྱིལ་བའི་སྲོད་ངོགས་སུ
 སང་ཉིན་གྱི་ཞོགས་ལྗངས་ནུབ་མཐའ་ན་འཚེར་བ
 སྲོང་བོའི་ལམ་གྱི་ཚངས་ཐིགས་ཅིག་སྣང་བའི་སེམས་འགྱུ་ཅི་ལ་མིན
 
འདི་ལྟར  སྟེས་དབང་གིས་གནས་ལུགས་ཀྱི་ཚལ་དུ་ངལ་ཞིག་གསོ་དུས
རང་ཉིད་ཀྱི་གྲིབ་མར་ལྟེབ་བརྩེགས་རྒྱག་རན་དང་
ཞག་གཅིག་གི་དྲན་པ་གསོ་བའི་སྙན་ངག་བྲིས་ཚར།
 

རྩོམ་ཁུངས། ངེད་དྲ་བ།