གཅིག་བུར་སྡོད་དུས

རོལ་དབྱངས་ནི་མ་འགག་སྐྱེས་མེད་ཀྱི་རྐང་གླིང་ཞིག

ཐ་སྙད་ཀྱི་བ་སྤུ་དག་རྨང་ནས་སྒུལ་གྱིན་བཞུར་ནས་འོང

དེ་བས  མདུན་ཐད་ཀྱི་འཇིག་རྟེན་དང་འཇིག་རྟེན་གྱི་རུས་པ

སིལ་བུར་ཐོར་ཞིང  ཧོབ་ཀྱིས་རུལ་ཚར་དུས

བཙོ་སྦྱངས་བྱས་ཟིན་པའི་འོད་ཟེར་ཞིག་ཉུག་གིན་འོང

དེ་ལྟའི་ཕྱིར་ན

སྙིང་ནས་བརྩེ་བའི་མཚན་མོ

མེ་ལོང་ནག་པོ་ཞིག་གི་ཕྱི་ནང་ན་སེམས་སུ་བླུགས་ཡོད

དུས་ཚོད་ཀྱིས་སྲེག་གིན་པའི་མཛའ་མོ

ཁེར་རྐྱང་གི་ལྡེབས་ངོས་སུ་སིམ་སིམ་དུ་བཞུར་འོང

མཐའ་ཡས་པའི་མཚོ་མོ  རླུང་གི་མཛེས་པ

གླུ་སྐད་ཀྱི་མིག་ཟུང  རེ་རེ་ནི

ལེབ་ཀྱིས་བརྡུངས་བའི་རྨི་ལམ་ལྗང་ཁུ་དེ་རེད

རྩོམ་ཁུངས། ངེད་དྲ་བ།