༠
ཡུལ་ཤུལ་ལགས་བསྐལ་བ་འདི་མ་རྗོགས་བར་དུ །
ང་ཚོ་ནམ་ཡང་ཁྱེད་དང་དྲང་ཐིག་གཅིག་ཏུ་ལངས་བའི །
ཤི་གསོན་མཉམ་གནས་ཀྱི་སྤུན་ཟླ་ཡིན །           
                       --- ཐོག་མའི་གླེང་གཞི །
             ༡
གཙང་ཞིང་བརླན་པའི་མཆི་མ །
ཉིན་བྱེད་ཀྱི་མཁུར་ཚོས་བརྒྱུད་ནས །
མྱི་བུ་རེའི་སེམས་ཀྱི་ཞིང་སར་བབས་བྱུང༌།
              ༢
འབྱུང་བ་ས་ཡིས་སློང་བའི་ན་ཟུག་ལྕི་མོ །
སྐྱོ་གདུང་གི་དབྱངས་རྟར་འཇུས་ཏེ །
མྱི་བུ་རེའི་སེམས་པ་ཚལ་བར་བཤགས་སོང༌།
              ༣
ན་ཟུག་སྟེ་སུས་ཀྱང་འདེགས་མི་ནུས་པའི་རི་བོ་ཞིག
སྡུག་བསྔལ་ཏེ་སུས་ཀྱང་བསྲན་མི་ཐུབ་པའི་རྨ་ཁ་ཞིག
འོན་ཀྱང་ང་ཚོ་སྔར་བཞིན་སང་ཉིན་གྱི་འཚོ་བར་རོལ་དགོས །
              ༤
སང་ཉིན་ང་ཚོ་དེ་རིང་འགྱེལ་སའི་གནས་དེ་ནས །
སྤོབས་པ་དང་ཡིད་ཆེས་ཀྱིས་ཡར་ལ་ལངས་ཏེ །
སྔོན་ལས་ལྷག་པའི་འཚོ་བ་ཞིག་ལ་རེ་བསྙེགས་བྱེད །
                              

རྩོམ་ཁུངས། ངེད་དྲ་བ།