གནམ་ལ་བསྲིངས་པའི་ལག་པ
ཐུང་བར་གཏོང་བའི་མོད་ལ
སེམས་སུ་སྦས་པའི་བརྩེ་བ
དྲོད་གྱི་ལེར་འཁྱིལ་སྲིད་ཨང

འཇིག་པ་རེ་རེར་ལག་པ་འཇུ་དུས
རྒྱུ་འབྲས་ཀྱི་རྒྱ་མའི་སྟེང་གཡོ་ཞིང་བསྐྱོམས་པའི
ཚེ་སྲོག་གི་དར་སྐུད་ཕྲ་ལ་རིང་བ་དག
འགུལ་གྱི་འདུག    འདར་གྱི་འདུག

མེ་ཏོག་གི་རྫ་བུམ  སིལ་བུར་འཐོར་དུས
ཁྱོད་ཀྱི་རྣམ་ཤེས་ཕྲ་མོ་དག    འོབས་དོང་དུ་ལྷུང་བར་ཞེད་སྣང་སྐྱེས
ལག་པ་མང་བོ་ཚང་ཁ་བྲེལ་ཡོང་དུས
ཁྱོད་ཀྱི་སྙིང་ཁར་རེག་པའི་ཤ་དྲོད
གྲང་རེག་གིས་བསྡམས་སྲིད་ཨང

ཞོགས་པའི་ཉི་ཟེར་ལ་འགྲོགས་པའི་འགུལ་སྐྱོམ
འགུལ་སྐྱོམ་ཁྲོད     ཚེ་སྲོག་ནི་བ་སྤུ་གཅིག་དང་འདྲ་བར
འཇིག་རྟེན་གྱི་པང་དུ་ལྡང

གཉེན་ཉེ་སུ་ཞིག་གིས་གུས་པོ་སྐྱོབས་པར་ནུས
དཀོན་མཆོག་གང་ཞིག་གིས་གུས་པོ་སྐྱོབས་པར་ཕོད
དཀོན་མཆོག་ཅིག་ག་པར་མཆིས
རྒྱུ་འབྲས་ཤིག་གང་དུ་ཡོད

མེ་ཏོག་གི་རྫ་བུམ་ཞིག་ལས་ཆོག
མཆོད་མེ་ཡི་ཁ་བཏགས་ཤིག་འཐེན་ཆོག
ཚེ་སྲོག་གི་དར་སྐུད་ཅིག་བསྲིངས་ཆོག
གལ་སྲིད་ཚེ་སྲོག་ཅིག་ཡོད་སྲིད་ན
༢༠༡༠ལོའི་ཟླ༤པའི་ཚེས༡༧དགོང་མོ་རང་ཤག་ཏུ་ཡུལ་ཤུལ་སྤུན་ཟླ་མང་བོའི་ཚེ་སྲོག་ཤོར་བར་མ་ཎི་ཚར་བརྒྱ་ཡི་གོ་ཆོད་པར་གྱུར་ཅིག
 

རྩོམ་ཁུངས། ངེད་དྲ་བ།