ཕ་ཡུལ།
ཁྱོད་དང་གྱེས་པས།
ད་གཟོད་ཁྱོད་དྲན་གྱིན་པ་རྟོགས།
སྙན་ཚིག་དང་གླུ་དབྱངས་མེད་ཀྱང་།
ང་རང་ཁ་རོག་གེར་ཁྱོད་ལ་དུང་འདུག་ཨང་།
ཕ་ཡུལ།
བྱིས་དུས་ཀྱི་མེ་ཏོག་འཐུ་ས།
གཞོན་དུས་ཀྱི་རྨི་ལམ་རྨི་ས།
རྒས་དུས་ཀྱི་མཆི་མ་འཕོ་ས།
ཁྱོད་དྲན་དུས།
བདག་གི་ཡིད་ལ་རང་ཡུལ་ལུང་པ་འཁོར།
སེམས་ཀྱི་འདུན་མ་བཅོལ་སའི་ཁྱིམ་བཟའ་ཚང་།
ཁྱེད་ཀྱི་པང་ན་བདེ་བར་འཚོ།
ཕ་ཡུལ།
བདེ་སྡུག་གི་སྙིང་གཏམ་ཞུ་ས།
བརྩེ་ཞེན་གྱི་འདུན་མ་བཅོལ་ས།
རིགས་རུས་ཀྱི་རྨུ་ཐག་འཐེན་ས།
རེ་བའི་འདུན་མ་རྒྱང་ལ་བསྲིངས་ཀྱང་།
དུངས་བའི་ཕྱི་མིག་གཏོང་ཕོད་མ་བྱུང་།
འཚོ་བའི་དངོས་རྣམ་འདི་ལྟར་ལགས་ཀྱང་།
སེམས་ཀྱི་དྭངས་གཙང་ཅིས་ཀྱང་བསྲུང་འོས།
ཕ་ཡུལ།
རྨི་ལམ་ནང་གི་རྩེད་ར།
ཕུགས་བསམ་ཁྲོད་ཀྱི་ཡུལ་ལྗོངས།
མི་ཚེ་ཐུང་ཐུང་གཅིག་གི་ལོག་མལ་ཨང་།
རྩོམ་ཁུངས། ངེད་དྲ་བ།