བརྗེད་མི་སྲིད་པའི་བཞི་གཅིག་བཞི།
མཐོང་མ་མྱོང་བའི་ཉི་མ་ནག་པོ།
དཔའ་མི་ཉམས་པའི་སྐྱིད་སྡུག་མཉམ་མྱོང༌།
བརྗོད་མི་ཚར་བའི་གངས་ཅན་ལ་རྒྱ།
༡ཀྱེ་མ་ཡ།ཀྱེ་མ།ཤ་ཟན་གྱི་ས་ཆེན།ཁྲག་འཐུང་གི་ས་ཆེན།རུས་འཆའ་ཡི་ས་ཆེན།ཁྱོད་ཇི་འདྲ་གདུག་རྩུབ་ཆེ་བ་ལ།ཁྱོད་འཇིག་རྟེན་ཡིན། ཁྱོད་འདུས་བྱས་ཡིན། ཁྱོད་མི་རྟག་པ་ཡིན།འོན་ཀྱང༌།ངས་ཁྱོད་ལ།ས་པདྨ་འདབ་བརྒྱད་ཅེས་བསྟོད་བསྔགས་ཕུལ།འཇིག་རྟེན་ཀུན་བཟོད་ཅེས་མངོན་པར་བརྗོད།ཁ་བ་གངས་ཅན་ཞེས་གླུ་དབྱངས་བླངས། ལབ་རྩེ་བསྟོད།དཔུང་རྒྱན་བཏགས།གཏེར་བུམ་བཞགདཔའ་མཁར་བརྩིགས།ཁྱོད་ལ་རྒྱུ་འབྲས་ཤིག་ཡོད་ན།དྲིན་ཅན་ལ་དྲིན་ལོགགཡང་ཟོག་ལ་རྡོ་ལོགབཟང་ལན་ངན།ཆང་ལན་ཆུ།འདི་ཅི་ཡིན་ནམ།ཁོ་ཚོ་གང་ནས་ཉེས་སོང༌།ཁོ་ཚོ་གང་ནས་འཆུག་སོང༌། དཀོན་མཆོག་གསུམ་མཁྱེན།
༢ས་ཆེན་ཡ།ས་ཆེན།ཁྱོད་ཇི་འདྲ་གདུག་རྩུབ་ཆེ་བ་ལ།ཁྱོད་ལ་རྒྱུ་འབྲས་ཤིག་ཡོད་ན།ཡུལ་ཤུལ་གྱི།རྒན་མགོ་དཀར།ཆུང་གློ་ནུ།བར་དར་མ།ཞ་བོ།ལོང་བ།ལྐུག་པ། ཐ་ན་བུད་མེད་སྦྲུམ་མ་ཡན་ཆད།ལྔ་ལམ་དུ་སྐྱེལ་བ་གྲངས་མེད།ཁྲག་དམར་དུ་བརྫིས་བ་རྩིས་མེད།གནམ་ས་བླ་འོག་བསྒྱུར།གྲང་ངར་བཟོད་དུ་མེད།མུན་ནག་གི་གླིང༌། མི་ཡུལ་གྱི་དམྱལ་ཁམས།ལྟོས་དང༌།དྭ་ཕྲུག་གི་ངུ་འབོད།ཡུག་ས་མའི་འོ་འདོད།མགོན་མེད་གྲྭ་བཙུན་གྱི་རྨེ་ངགཁོ་ཚོ་གང་ནས་ཉེས་སོང༌།ཁོ་ཚོ་གང་ནས་འཆུག་སོང༌།དཀོན་མཆོག་གསུམ་མཁྱེན།
༣ས་ཆེན་ཡ།ས་ཆེན།ཁྱོད་ཇི་འདྲ་གདུག་རྩུབ་ཆེ་བ་ལ། ཁྱོད་ལ་རྒྱུ་འབྲས་ཤིག་ཡོད་ན།ཡུལ་ཤུལ་ལ།ཉི་མ་ནག་པོ་འཆར།ཁ་བ་བུ་ཡུག་འཚུབ།གྲང་ངར་ལྷགས་པ་སྡང༌།གཤིན་རྗེ་ཡི་མྱ་ངམ་ཐང༌།མགོ་ན་སྦྲ་མེད།ལག་ན་ཟས་མེད།རྒྱབ་ན་གོས་མེད།ཟུར་ན་གཉེན་མེད།དོན་ལ་མགོན་མེད།ཡུལ་ཤུལ་གྱི་ལས་དབང༌།གངས་ཅན་པའི་སྐྱོ་གདུང༌།ཁོ་ཚོ་གང་ནས་ཉེས་སོང༌།ཁོ་ཚོ་གང་ནས་འཆུག་སོང༌།དཀོན་མཆོག་གསུམ་མཁྱེན།
༤ས་ཆེན་ཡ།ས་ཆེན།ཁྱོད་ཇི་འདྲ་གདུག་རྩུབ་ཆེ་བ་ལ།ཁྱོད་ལ་རྒྱུ་འབྲས་ཤིག་ཡོད་ན།རྒན་པོ་མ་ཎི་བསྐོར།སློབ་ཕྲུག་སློབ་གྲྭར་བསྐྱོད།བུ་ཆུང་མལ་ས་ཉལ།ཨ་མས་ཁྱིམ་ལས།གློ་བུར་དུ།སྐད་ཅིག་ལ།ས་གཞི་འདར།ཡུལ་ཤུལ་བྱེ་མར་འཐགཐལ་བ་རླུང་ལ་བསྐུར། མིང་གི་ལྷག་མར་གྱུར།འདུ་ཁང་གསེར་ཁང་ཞིགཕ་ཡོད་ན་མ་མེད།མ་ཡོད་ན་ཕ་མེད།ཕ་མ་ཡོད་ན་བུ་ཕྲུག་མེད།ནང་ཡོད་ན་མི་མེད།མི་ཡོད་ན་ནང་མེད།ཁོ་ཚོ་གང་ནས་ཉེས་སོང༌།ཁོ་ཚོ་གང་ནས་འཆུག་སོང༌། དཀོན་མཆོག་གསུམ་མཁྱེན།
༥ས་ཆེན་ཡ།ས་ཆེན།ཁྱོད་ཇི་འདྲ་གདུག་རྩུབ་ཆེ་བ་ལ།ཁྱོད་ལ་རྒྱུ་འབྲས་ཤིག་ཡོད་ན།རང་དབང་བྲལ་བའི་ཡུལ་ཤུལ་ལ།སླར་ཡང་ཉི་མ་ནག་པོ་ཞིག་འཆར་དགོས་དོན།ཅི་ཡིན་ནམ།ངའི་སེམས་ནང་གི་ཉི་མ་སེར་པོ་ལགས།ཁྱེད་ད་ལྟ་གང་ན་བཞུགས།གསན་ཨེ་བྱུང༌།དུར་ཁྲོད་རོ་ཡིས་གང་སོང༌།གཤོངས་ས་ཁྲག་གིས་གང་སོང༌། ས་གཞི་གཤིན་པོར་གྱུར་སོང༌།རྨས་མ་ལུང་བ་གང་སོང༌།དྭ་བུ་གང་སར་ལྷག་སོང༌།མི་སེམས་སྐྱོ་སྡུག་གིས་ནོན་སོང༌།སྐྱབས་འཇུག་སུ་ལ་ཞུ།སྐྱིད་སྡུག་སུ་ཡིས་མཁྱེན།སྙིང་གཏམ་སུ་ལ་བཤད།ང་འཚོ་དགོས།ང་ཚོ།ངེས་པར་དུ་འཚོ་དགོས།ངའི་བསྟན་སྲིད།ངའི་རང་དབང༌།ངའི་བདེ་སྐྱིད།ཡོད་ཚད་ཀྱི་ཡོད་ཚད།ཁྱེད་ལ་བཅོལ།ལམ་སྟོན་གནང་རོགས།ང་ཚོ་ཆོས་སྦྱིན་པའི་དགེ་འདུན་པ་ཡིན།ང་ཚོ་སྙིང་སྟོབས་ཆེ་བའི་སློབ་གྲྭ་ཆེན་པོ་བ་ཡིན།ང་ཚོ་གཏོང་ཕོད་ཆེ་བའི་ཚོང་པ་ཡིན།ང་ཚོ་ལས་ལ་བརྩོན་པའི་མི་སེར་ཡིན།ང་ཚོ་སེམས་ཤུགས་ཆེ་བའི་བྱེས་སྡོད་ཆོལ་གསུམ་སྤུན་ཟླ་ཡིན།མ་ཎི་ཚར་གཅིགམར་མེ་རྐང་གཅིགསྨོན་ལམ་ཐེངས་གཅིགསྐྱབས་འཇུག་ལན་གཅིགཤོག་སྒོར་གྲངས་གཅིགགོས་སྣ་གཅིགཟས་ཁམ་གང༌།ཆུ་ཧུབ་གང༌།ཐམས་ཅད་ཁྱེད་ལ་འབུལ།ཐམས་ཅད་ཁྱེད་ལ་བསྔོ།ཡུལ་ཤུལ་ལགས།གངས་ཅན་པ།བློ་མ་ཕམ།ཁོ་མ་ཆད།སེམས་ཤུགས་མ་ཆགསྐྱོ་སྡུག་སྙིང་སྟོབས་ལ་བསྒྱུར་དང༌།རྡོག་རྩ་གཅིག་ཏུ་བསྒྲིལ་ཡོང༌།གཞིས་བྱེས་བོད་མི་རྣམས།ཡུལ་ཤུལ་དང་སེམས་པ་གཅིགབློ་སེམས་མཐུན་ན་སྟོབས་ཤུགས་ཡིན།གཅིག་ཏུ་བསྒྲིལ་དང་རྒྱལ་ཁ་ཡིན།མཛུབ་མོ་ལྔ་བཅིང་ལ་རྒྱ་ཡིན།ང་དང༌།ང་ཚོ་དུས་གཏན་དུ།ཁྱེད་དང་ཁ་མི་འབྲལ།དུས་ནམ་ཡང༌།བོད་མིའི་སྐྱིད་སྡུག་མཉམ་མྱོང༌།བརྗེད་མི་སྲིད།བརྗེད་མི་སྲིད།དཀོན་མཆོག་གསུམ་མཁྱེན།འགུ་ལོག་རྩམ་དགས།
༢༠༡༠ལོའི་ཟླ་༤ཚེས་༡༩།གཟའ་ཉི་མར།
༢༠༡༠ལོའི་ཟླ་༤ཚེས་༡༩།གཟའ་ཉི་མར།
རྩོམ་ཁུངས། ངེད་དྲ་བ།