སྲོང་བཙན་གྱིས་བཀའ་ཆེམས་བཞག་པའི་མན་ཆད་ནས
བཀས་བཀོད་ཀྱི་གཉའ་གནོན་རྫོགས་པའི་ད་ལྟ་ལ
ཁྱོང་ཀྱིས་སུ་ལ་བཀའ་རེ་སྩོལ
ཁོ་བོ་ཡང་བཀའ་ཡི་དྲ་བ་ན་འདར་སུག་རྒྱག
ང་ཡིས་ཀྱང་བཀའ་རེ་གྲ་སྒྲིག་བྱེད་དགོས་སམ
ཨ་ཕའི་བཀའ
ཨ་མའི་བཀའ
ད་དུང་མགོ་བའི་བཀའ
སྤྲང་བོའི་བཀའ
བཀའ་ཡི་རི་ལུང་དང་ཐང་ཆེན
བཀའ་ཡི་གྲོང་ཁྱེར་དང་གྲོང་ཚོ
བཀའ་ཡི་བསྡོམས་ཐོབ་དང་ལྷག་གྲངས
བཀའ་འདི་རྒྱུད་སྐུད་ཕྲ་མོ་རེད
བཀའ་འདི་མེ་རི་དམར་པོ་རེད
བཀའ་འདི་སེམས་པ་གཙང་མ་རེད
ད་དུང་བཀའ་ལ་ཆད་པ་དང་རྟགས་མ་ཡོད
ཨེ་མ     བཀའ་འདི
      སྤྱི་ལོ༢༠༡༠ལོའི་ཟླ༡བོའི་ཚེས༣༡ཉིན་དཔྱིའི་མེ་ཏོག་ཐང་ནས།

རྩོམ་ཁུངས། ངེད་དྲ་བ།