ཆར་བ་བབས་རྗེས།
མིག་ཆུ་དང་ཀི་སྒྲས་བརླན་པའི་གནའ་གྲོང་དེ་སུས་མགོ་བོ་གློན་ས་ཡིན།
ཆར་རླུང་གི་ཁྲོད་ནས་ལམ་ཐག་གོམ་པར་བགྲངས་མཁན་ཨང་།
ཁྱོད་ཀྱིས་ངའི་འདྲི་ཚིག་ལ་ལན་གསལ་བོ་ཞིག་འདེབས་རོགས།
ཆར་བ་བབས་པས། རི་བོའི་ཟོམ་དུ་འབུས་པའི་ལོ་ཟླའི་རྔམ་བརྗིད་གང་དུ་བཞུད་སོང་།
ཤོག་བུའི་སྟེང་དུ་མནན་པའི་དམ་བཅའ། ཟུངས་ཁྲག་གི་གསེབ་ཏུ་བཏབ་པའི་རེ་སྨོན།
ཆར་བ་བབས་རྗེས། ན་བུན་གྱི་ཡལ་སྟངས་ལ་སེམས་པ་ཤོར་མཁན་དེ་སུ་ཡིན།
ཉི་ཟླའི་རྐང་རྗེས་སློག་གིན་པའི་ཁྱོད་ཀྱི་མིག་ཟུང་སྐམ་པོ།
དཔྱིད་ཀྱི་ལང་ཚོས་ས་སྨུག་གི་ཁོང་གསེང་དུ་བཏུམས།
ཀི་སྒྲའི་རྗེས་ཤུལ་དང་ཆར་རླུང་གི་ཨུ་ཚུགས་ཁྲོད་དུ་མགོ་བོ་བསྲིངས་ཏེ།
སྨུག་རྒྱུའི་ཀློང་ནས་བཟི་གཏམ་བོར་མཁན་དེ་སུ་ཡིན་ནམ། སུ་ཡིན་ནམ།
རྩོམ་ཁུངས། ངེད་དྲ་བ།