བསམ་བློ་བའི་ཁྲོད་ཀྱི་བསམ་བློ་བ།
ཉི་མ་ཆུ་ཐིགས་ལ་དཔེ་བླངས་ན
ཆུ་ཡི་ཟེགས་མ་ལྟ་བུའི་འོད་ཟེར་དེ་ཉིད
མུན་རུབ་ཀྱི་སྒལ་ཚིགས་ལ་ཞོན་པ་ལྟ་བུའི་ཁེངས་སེམས་ཀྱིས་བསྡམས་ཡོད
དེ་བས ཟླ་བའི་མིག་དབང་དང
སྨྲ་བརྗོད་ལ་མཁས་པ་ལྟ་བུའི་སྐར་མ་དེ་དག་གིས
རང་ཁྱིམ་གྱི་གྲུ་ཁ་སོ་སོ་ན
རིལ་རིལ་གྱི་འཆར་གཞི་ཞིག་འཐེན་བཞིན་འདུག
------ངེས་ཤེས་བློ་ངོར་འདྲོང་བ
ཆང་གི་གཅིན་སྐྱག་ལ་དུ་མ་ཞིག་རོལ་ཏེ
མི་ཡི་སྐྱུག་རོ་ལ་ཧམ་འཐུང་རང་བྱེད་བའི
མི་མ་ཡིན་པའི་མི་བུ་དེ་དག ཤིང་གི་འདེགས་ཤིང་ལ་ག་ཚོད་འགྱོག་དགོས
རྩི་ཤིང་ལྟ་བུའི་སྔོ་ཚོད་དེ་ཟས་ཐུན་གཅིག་ལ་བརྩིས་ཏེ
སྐད་ཆ་རྒྱག་པོ་རེ་ཀུན་གྱི་མིག་ལམ་དུ་བསྟར་བ་དེ་ཉིད
མི་སེམས་ལ་བྱབས་ཁྲུས་བྱེད་པའི་ཁྲུས་ཆུ་རུ་འདྲེན་ནམ
རྐང་གི་བ་སྤུ་མགོ་ཡི་སྐྲ་ལོར་རློམ་ཤིང
ཁོག་གི་རྒྱུ་མ་ཁྲག་རྩ་དམར་པོར་རློམ་པ དེ་དག་གིས
རི་བོ་དུ་མ་ཞིག་འཕྲེད་ཀྱིས་གཅོད་ལ
ཆུ་བོ་མང་པོ་ཞིག་ཐོལ་གྱིས་བརྒལ་སྲིད
ཡིན་ནའང སྔར་བཞིན
རྡོ་བ་སྔོན་པོ་དེར་མགོ་བ་གླན་གྱིན
ནོར་གྱི་བང་མཛོད་དེར་རྐང་བའི་འདྲད་བར་བྲེལ
རྩོམ་ཁུངས། ངེད་དྲ་བ།