འཁོར་བའི་ལ་ཐུར་མང་བོ་ཤོག་སྐྱ་བཞིན་བལྟེབས་པའི་རྗེས་སུ
མིག་ཆུ་ནི་སུ་ཞིག་གི་སེམས་ངོས་རྟོགས་པ་ལྟར་ཤམ་ཤམ་བཞུར
ཀུན་རྫོབ་ཀྱི་འཇིག་རྟེན་ནས་འཁོར་བ་ཡི་ནང་སྙིང་བསྔོག་དུས
དུས་རབས་ཀྱིས་ང་ལ་ལག་ཡུག་བྱེད་ཀྱིན་འདུག
སྒྱུ་མའི་འཇིག་རྟེན་འདིར་རང་ཉིད་ལྟེ་བ་བྱས་ནས་སྐོར་གྱིན་པའི་ང
ཡུལ་ཕྱོགས་གང་ས་ལ་སློང་མོ་བྱེད་དུ་ཆེས་དུས
ན་ཚོད་ཀྱིས་ང་ལ་སྡུག་གཏམ་མང་བོ་ཞིག་བརྗོད་སོང
ཅི་མི་སྙམ་པའི་ངང་ལམ་ལ་ཆེས་དུས
ངས་ནི་གང་ཞིག་ནས་སྡོད་དགོས་པ་དང་གང་ཞིག་འཚོལ་གྱིན་པ་ཡང་མ་ཤེས
རྨི་མལ་ལ་རྫོགས་མཐའ་མེད་པས་
ང་ད་དུང་རྨི་ལམ་ལྟ་བུའི་འཇིག་རྟེན་ཤར་སྐྱོད་བྱས
དོན་དམ་ཚུགས་ཐུབ་ཀྱི་གནས་དེར་ཐོན་ཚེ
ང་ནི་སྲིད་པའི་གཅོང་རོང་ནས་བརྒལ་ཚར་བ་ཡིན་ནམ
ལས་དབང་ལ་གདོང་ཐུབ་བརྒྱབ་པ་ལྟ་བུའི་འཚོ་བ་ནི
འདི་འདྲའི་ཡིད་རྟོན་མེད་པ་ཞིག་ཡིན་པ་ནི
འཁོར་བའི་བླ་སྲོག་ལ་སྙིང་བོ་མེད་པས་རེད་དམ

རྩོམ་ཁུངས། ངེད་དྲ་བ།