མཁའ་ནས་ལྷུང་བའི་ཚ་གདུང་གི་མདུང་མོ་དེ་དག
བདག་མེད་ཀྱི་ཐང་སྟོང་ལ་བར་མེད་དུ་བསྣུན
ལང་ཚོའི་སྐྱི་ལྤགས་ཟད་ཅིང
སྨྲེ་ངག་གནམ་སའི་འབྲེལ་མཚམས་སུ་འཁྱམས
ཚེ་སྲོག་འཁྱིལ་བའི་འཇིག་རྟེན
ཉིན་དང་སྲིབ་ཀྱི་ཁུག་སོ་ནས་བསྐྱུར་སོང
ངོ་གདོང་ནི་སྔར་ལས་སྐྱ་བོར་གྱུར་ཅིང
སྣུམ་ཟས་ལ་ཁ་རེག་མ་བྱུང
དམར་ཆུང་གི་རོལ་མོ་དཀྲོལ་པ་དང་མཉམ་དུ
དཀྱིལ་འཁོར་ལས་འཕྱུར་བའི་མཚལ་དམར་ལ་རྒྱུན་མ་ཆད
ཐོག་མ་མེད་ནས་བསགས་པའི་རྨ་ཁའང་སོས་རྒྱུ་མ་བྱུང
ཤུགས་ཀྱིས་བཏང་བའི་མཁའ་ཡི་གཅིན་པ་དེ
ཕྱིར་ཆལ་ཆིལ་ངང་ཁ་ལ་འཁྱིལ
མངར་ཁ་ནི་ཝུ་ཆང་ཞིག་གམ
བུ་རམ་ཞིག་ཏུ་བསམ
ད་རུང་འདི་ལྟར་བསམས་ཤིང་འདི་ལ་མོས
ཡང་བསྐྱར་མཁའ་ལ་ཤུགས་ཀྱིས་གཅིན་པ་ཞིག་བཏང

རྩོམ་ཁུངས། ངེད་དྲ་བ།