ཁུ་སིམ་གྱི་དྲན་འཆར།
ཁུ་སིམ་ཟླ་འོད་ཀྱི་འོག་ལ།།
ཁུ་སིམ་ཆམ་ཆམ་ལ་སྐྱོད་དུས།།
ཁུ་སིམ་སྔར་འདས་ཀྱི་ཟློས་གར།།
ཁུ་སིམ་སེམས་ཁོངས་ནས་དྲན་བྱུང་།
ཁུ་སིམ་ལས་དབང་གི་འོག་ནས།།
ཁུ་སིམ་གྱེས་བྲལ་ཞིག་བྱུང་དུས།།
ཁུ་སིམ་དུང་སེམས་ཀྱི་མིག་ཆུས།།
ཁུ་སིམ་ངོ་གདོང་འདི་བརླན་སོང་།།
ཁུ་སིམ་རང་ཡུལ་དང་བྲལ་དུས།།
ཁུ་སིམ་སྙིང་དབུས་ཀྱི་ན་ཟུག།
ཁུ་སིམ་ཁུར་པོ་ལ་རྡོག་ནས།།
ཁུ་སིམ་འགྲུལ་བཞུད་ལ་ཞུགས་ཡིན།།
ཁུ་སིམ་དྲན་འཆར་གྱི་ཕུང་གསོག།
ཁུ་སིམ་གཅིག་པུ་ལ་དྲན་དུས།།
ཁུ་སིམ་སྐྱོ་གླུ་ཡི་བསིལ་བསིལ།།
ཁུ་སིམ་ངག་སྒོ་ནས་ཤོར་ཐལ།།
ཁུ་སིམ་ལྡུམ་ར་ཡི་ནང་ནས།།
ཁུ་སིམ་མེ་ཏོག་ཅིག་མཐོང་དུས།།
ཁུ་སིམ་གཡུ་སྦྲང་གི་བུང་བ།།
ཁུ་སིམ་དེ་ཕྱོགས་ལ་ཤོར་སོང་།།
ཁུ་སིམ་ས་མཐའ་ཡི་ཡུལ་ནས།།
ཁུ་སིམ་སེམས་ཤོར་གྱི་ཟློ་གཞོན།།
ཁུ་སིམ་དྲན་ཚོར་གྱི་དབུས་ནས།།
ཁུ་སིམ་དབང་མེད་ལ་དྲན་སོང་།།
ཁུ་སིམ་དབེན་ས་ཡི་གནས་ལ།།
ཁུ་སིམ་མི་ཚེ་ཞིག་འདོད་ཀྱང་།།
ཁུ་སིམ་ལས་འབྲས་ཀྱི་རྒྱལ་པོས།།
ཁུ་སིམ་འཁོར་བཙོན་ལ་བརྫངས་བྱུང་།།
ཁུ་སིམ་ཁུ་སིམ་གྱི་ངང་ནས།།
ཁུ་སིམ་ལོ་ཟླ་ཡི་ཕྲེང་བ།།
ཁུ་སིམ་ཁུ་སིམ་ལ་སྐྱོད་དུས།།
ཁུ་སིམ་འགྱོད་པ་ཡིས་བཟུང་སོང་།།
ཁུ་སིམ་མི་རིགས་འདིའི་ཆེད་དུ།།
ཁུ་སིམ་ལེགས་སྐྱེས་ཤིག་ཕུལ་འདོད།།
ཁུ་སིམ་རང་དོན་ལ་ཤོར་ནས།།
ཁུ་སིམ་འགྱོད་འདུང་གི་མནར་བྱུང་།།
རྩོམ་ཁུངས། ངེད་དྲ་བ།