------མ་འོངས་བའི་ཆུང་མར་ཕུལ་བ།

       ཐག་རིང་གི་ས་ཕྱོགས་དེ་ན
       སྒྲོལ་མ་ལྟ་བུའི་ལྷ་མོ་ཞིག་མིག་གི་མཐོང་ལམ་ན་རྒྱུ
                                  ------སྔོན་འགྲོའི་གཏམ
སྨིན་འབྲས་མ
སྨག་རུམ་མཐུག་པོ་འདིས་ཕོ་ཐོག་ནས་བསྡད་དེ
མེ་ལྕེ་དམར་པོ་འདིས་རུམ་ནང་ལ་འཛུལ་ཡང
སེམས་པ་དཀར་པོ་འདི་དྲོས་ཐབས་མི་འདུག
 
སྐར་ཆ  སྐར་མ  ཆུ་ཚོད
རེ་རེ་བཞིན་ཕར་ལ་བསྐྱལ་རྗེས
ཤི་མ་གསོན་གྱི་རྣམ་ཤེས་དེ
ལྟེབ་ཁུག་ཆུང་ཆུང་ཞིག་ན་འདུར
 
དེ་བས  མིག་ལམ་གྱི་ཡོད་ཚད་སྒྱུ་འཕྲུལ་ལ་བརྫིས་ཏེ
སྒྲོག་ཙེ་དང་རྐུབ་སྟེགས་གཉིས་ཀྱིས་མཆུ་ཏོ་གླན
སྨྱྭ་གུ་དང་ཤོག་བུ་གཉིས་ཀྱིས་འཁྲིག་པ་སྤྱོད
 
སྨིན་འབྲས་མ
ཁྱེད་རང་ག་དུས་འཕྲད་སྲིད
 
 

རྩོམ་ཁུངས། ངེད་དྲ་བ།