ལྷ་མོ་རྨི་ལམ་གྱི་ཁམས་ལ་འགྲོ་ཐེངས་མང་།
ལྷ་མོ་གཉིད་ལོག་པར་ཧ་ཅང་མོས།
ལྷ་མོའི་གཤིས་ཀ་ཡག་པའི་གནས་སློང་མཁན་ཤིན་ཏུ་མང་།

ལྷ་མོ་གཡོ་འོག་ཏུ་འགུག་པར་སླ་བས།
ལྷ་མོའི་འཛུམ་མདངས་རྐུ་མཁན་མང་།
གས་སྲུབས་ལས་ཤོར་ཡོང་བའི་རླུང་བུ།
ལྷ་མོའི་སར་ནས་ཐོན་པའི་འཕྲིན་པ་ཞིག་རེད།
རླུང་ལ་ཁེན་པའི་ལྷ་མོར།
སྤྲིན་པ་མེད་པའི་ནམ་མཁའ་ཞིག་ཡོད་པར་སྨོན།

ལྷ་མོ་ཞིག་འཇིག་རྟེན་འདིར་སླེབས་པ་ནས།
ལྷ་མོ་ལྟ་བུའི་བུད་མེད་ཚོ་སྐྱེས་པའི་ལྡུམ་རར་བཞད།
དེ་བས། དེ་ལྟར།
སློག་ཧྲུལ་གྱོན་པའི་བྱིས་པ་སྒོར་བུད་ནས།
གང་ས་གང་དུ་རི་མོ་འབྲི་བཞིན་འདུག