ལག་པ་སྲོངས་ཤིག་དང་    ངེད་གཉིས་ཀྱིས་འཁྱག་གིན་ཡོད་མེད་ལ་བལྟའོ
བར་སྣང་ནས་ས་རྡུལ་བབས་པས  ང་ཡི་ཁྲག་ནུར་བར་བྱས་ཤིང
ཡར་ལངས་དུས་གོམ་པ་སྤོ་དཀའ་བ་ཞིག་བྱས་སོང
བཙན་པོ་ཞིག་གིས་མགོ་ནས་གནོན་བཞིན་འདུག་ནའང
རང་ཉིད་ཆུང་ནས་ཆུང་དུ་གྱུར་ཏེ
རྡུལ་ཕྲ་རབ་ཅིག་གི་ཚུལ་གྱིས་ཡར་མར་ལ་ཕྱིན་ཚེ
བཙན་པོ་དེས་ཇི་ལྟར་རྙེད་ཐུབ
སྤོབས་པ་ཟེར་བ་དེ་རྡོ་ཕ་བོང་ཞིག་དང་མི་འདྲ་བར
གསེར་གྱི་བྱེ་མའི་ཆ་ཤས་ཤིག་ཡིན་པས
གཞན་གྱིས་མི་མཐོང་བར་བྱ་རྒྱུ་དེ་གལ་ཅི་འདྲའི་ཆེའང
གཞན་གྱིས་མི་མཐོང་ས་ནས  འོ་ཞིམ་པོ་བྱེད་ཀྱིན
སེམས་ཀྱི་ཆ་ཤས་ཤིག་འགྲམ་ཤའི་བྱུར་དམར་ལ་ཁེན་ནས
ཆ་ཤས་གཞན་ཞིག་སྲིད་པའི་བ་ཆུང་ལ་ཁེན་ནས
སྐད་ཅིག་མས་གྲུབ་པའི་གཏམ་རྒྱུད་དག་མེ་རུ་བསྒྲོན་རྗེས
གཏམ་རྒྱུད་ཀྱི་ཚིག་རོ་དེ་སླར་ཡང་རླུང་ལ་སྤུར་རྗེས
རླུང་ནང་ན་སྟོང་བ་ཉིད་ཟེར་བ་དེ་ཅི་ལ་མེད
གལ་སྲིད་མེད་པའི་དབང་དུ་བཏང་ནའང
སུ་ལའང་ལེ་བདའ་བྱ་དགོས་དོན་མེད་དེ
མ་གཞི་འུ་གཉིས་ཀ་སྔ་མོ་ནས་ཤི་ཟིན
                             2010/12/5

རྩོམ་ཁུངས། ངེད་དྲ་བ།