ཁྱེད་ཀྱི་རླུང་རྟ་ས་དང་མཉམ་ཏེ
ཁྱེད་ཀྱི་ཡོད་ཚད་ལ་མཐོང་ཆུང་བྱས་ནས
ཁྱེད་ལ་འཁོར་མཁན་རྐང་གཉིས་གྲལ་ནས་ཕུད་དུས
ཁོ་བོ་ཁྱེད་ལ་འཁོར་ཏེ་མྱི་ཁ་མང་བོ་ཤིག་འཁུར་བ་འདི
ཅི་ནས་ཀྱང་ཕྲེང་ཐག་ལ་བརྒྱུས་ཐབས་བྲལ
 
འོན་ཀྱང
ཁྱེད་ཀྱི་ཡོད་ཚད་ལ་ཡོད་ཚད་ཀྱིས་འདུ་ཤེས་གཙང་མ་ཤིག་འཛིན་དུས
ཁྱེད་ལ་སྐར་གྲངས་ཐོབ་དུས
ཁྱེད་ཀྱིས་བསླུས་ཟིན་པ་དག་ལ་མཐོང་ཆེན་བྱེད་དུས
ཁྱེད་ཀྱི་ཆེད་དུ་འདུར་མཁན་ལ་སྙན་གྲགས་རྒྱས་དུས
ཁྱེད་ཀྱིས་ཁོ་བོར་བྱིན་པ་ནི
ཡིད་ཆད་ཀྱི་རྔམ་པ་རིང་མོ་ཤིག་དང
སེམས་སྡུག་གི་མིག་ཆུ་འཛད་པ་མེད་པ་ཤིག
དོན་ངོ་མར་འདི་དག་ཁོ་བོར་ཁྱེད་ཀྱིས་གནངས་བ་ཨེ་ཡིན
ངས་སུ་ལ་དྲིས་ན་ཤེས་མཁན་ཡོད་སྲིད
ངས་ཅི་ལྟར་བྱེད
ངས་་་་་་་་་་་་་་
ཡང་གཅིག་བཤད་ན
ཁོ་བོ་ནི་སྨྱོན་པ་ཤིག་རེད
ངས་འདང་ཕོག་སོང
ངས་གཞི་ནས་འདང་ཕོག་སོང
ངས་འདི་འདྲའི་ཁེར་ལབ་ཅིག་དགོས་དོན་གཞི་ནས་མེད་དེ
ཁོ་བོ་སྐྱིད་ན་བགད་རོགས་དང་སྡུག་ན་མིག་ཆུ་འདོན་རོགས་ནི་ཁྱེད་ལས་མེད་པས
ངས་ཡོད་ཚད་བློས་བཏང་ནས
གྱོན་མི་འདོད་པའི་ཞྭ་ཐེད་དགུ་བརྩེགས་ཤིག་གྱོན་ནས
ཁུར་མི་འདོད་པའི་ཁུར་བོ་ལྗིད་པོ་ཤིག་ཁུར་ནས
ཐ་ན་ལྟོ་ཟས་ཡང་མེད་པར་འཁྱམ་དགོས་ཡང
ནམ་ཡང་ཁྱེད་དང་ཁ་བྲལ་རྒྱུ་མིན
རྒྱུ་མཚན
ཁོ་བོའི་ཡོད་ཚད་ཁྱེད་ལས་མཚོན་ཐུབ་མཁན་དང
ཁོ་བོའི་སེམས་ཁམས་ཁྱེད་ལས་རྟོགས་མཁན་མ་མཆིས་པའི་ལན་པ་ཡིན
ང་ལ་ཡོད་ཚད་ཀྱིས་སྡང་མིག་གཏད་ཡང་
ཁུར་མི་འདོད་པ་དག་གཡས་གཡོན་ཀུན་ནས་ཤབ་ཤུབ་དང
ཐ་ན་ངོ་གདོང་ལ་་་་་་་
གང་ལྟར་ངས་རོ་གོག་འདི་དུར་འཇུག་མ་བྱས་བར་དུ་་་་་་་་་ 
                               ༢༠༡༠.༡༢.༣ཉིན་བྲིས།

རྩོམ་ཁུངས། ངེད་དྲ་བ།