རུས་ཚིགས།
མནར་གཅོད་ཀྱི་གོ་རིམ་ལས་བདེ་སྐྱིད་ཀྱི་དྲི་བསུང་འཐུལ
པགས་ཚར་གྱི་འཇམ་མཉེན་ལས་ཕྱིར་མིག་གི་རོལ་དབྱངས་དཀྲོལ
ཐ་སྙད་ཀྱི་ཚིག་གྲུབ་ལས་ནམ་མཁའ་བསྐྲུན
གྲུ་ཟུར་ནས་བརྒྱབ་པའི
འཁྱོག་བརྗོད་གང་ཡང་མ་ཡིན་པའི་ཉི་འོད་ཀྱི་ལྡེ་མིག་གིས
ཞེན་ཆགས་ཀྱི་ཐ་སྙད་མང་པོ་འདས་ལོག་བརྒྱབ་ཏུ་བཅུག
མ་མའི་སྐྱིད་སྡུག་གི་རྨི་ལམ་གྱིས
ལོ་ཟླའི་ཁ་དོག་སྔོན་པོར་བསྒྱུར
རྐང་ལ་འཐོགས་པའི་ཐ་སྙད་ཚོའང་དམར་པོར་བསྒྱུར
རང་ཡང་སེམས་ཁམས་ཤིག་ནས་འོང་དེ
སེམས་ཁམས་ཤིག་ཏུ་གྲུབ
དགའ་འབོད་ཀྱི་ལམ་བུ་ནས
རྡོག་རྫས་བཏང་བའི་ལྕགས་རོ་དག་མཐོང་ཚེ
ང་ལ་དགོས་དབང་གི་ཡོད་པའི་སྣང་བརྙན་ནི་ཇི་འདྲའི་མང་པོ་ཞིག
༢༠༡༠ ༤ ༨
རྩོམ་ཁུངས། ངེད་དྲ་བ།