ང་ཁེར་རྐྱང་ཡིན་པ་སུས་ཀྱང་ཤེས་མོད
ཁེར་རྐྱང་གི་འཚོ་བ་འདི་ཇི་འདྲའི་སྡུག་པ
ཨ་མས་ཀྱང་དོ་ཁུར་བྱེད་ཀྱིན་མེད་པ་འདྲ
 
ངས་དོ་ནུབ་དགོང་ཟས་ཟ་དུས
ཅི་ཡང་ཐོས་རྒྱུ་མེད་པའི་ཁང་མིག་འདི
ང་ལ་ཉེ་མིས་གནང་བའི་བཙོན་ཁང་ཡིན་པ་ཚོར་བྱུང
ང་ཆུང་དུས་ནས་འདི་ལྟར་གཅིག་པུ་བསྡད་པ་ཡིན

ཨ་མས་ང་ལ་རྒྱུན་དུ་ངའི་འཚོ་བ་འདི་སྐྱིད་རབས་བཤད་ནས
ང་ལའང་ཅུང་གོམས་སུ་བཅུག་སོང
གཞན་གྱིས་སྐད་ཅིག་ལ་རོལ་མི་འདོད་པའི་འཚོ་བ་འདི
ངས་དང་ལེན་བྱེད་དགོས་པ་ལྷ་སྒྲུང་དང་རྨི་ལམ་ལྟ་བུ་ཞིག་རེད་ཨང
 
ངས་གསོན་ཤུགས་ལྡན་པའི་རང་གི་ལང་ཚོ་འདི
ཁེར་རྐྱང་ཁེར་རྐྱང་དུ་རྒས་སུ་བཅུག་པ
ཨ་མ་དང་མིངསྲིང་ཚོ་བསམ་པ་ཡིན
                           2008．8．6ཉིན་གྱི་དགོང་མོར།