ཤུག་པ།
བཟློག་དཀའི་དུས་ཀྱི་ཆོས་ཉིད་ལས་མངོན་པར་རྒྱལ་པའི་བློ་སྤོབས་ཤིག
དགུན་གསུམ་གྱི་ལྷགས་པའི་ཁྲོད་ནས་གཡུལ་འགྱེད་ཀྱི་དཔའ་བོ་བཞིན་འགྲེངས་སྟེ།
ལྗང་མདོག་གི་ཡལ་ག་བསྲིངས་ནས་ཚེ་སྲོག་གི་གཏམ་རྒྱུད་བསྐྱངས།
ཞབས་ཀྱི་རྩ་བ་ས་འོག་ནས་རྒྱས་ཤིང་།
བདེན་དོན་གྱི་མགོ་བོ་ཁོད་ཡངས་པའི་མཁའ་དབྱིངས་སུ་བསྙེགས་པས།
རི་རྩེའི་འཐོར་རླུང་གི་ཁྲོད་དུ་སྲུང་དམག་གི་ལས་དབང་སྐྱོང་བའི་རྣམ་ཐར་ཤིག
ཁེར་རྐྱང་གི་མི་ཚེ་འགྲིམས་ཀྱང་།
མཐུན་སྒྲིལ་གྱི་ལག་ཟུང་སྦྲེལ་ཏེ།
འདྲེན་བྱེད་ཀྱི་གཏད་སོ་དངུལ་དཀར་གྱི་གངས་རིའོ།
རྩོམ་ཁུངས། ངེད་དྲ་བ།