ཀ་ཡེ་གསོན་དང་འཛམ་གླིང་ཡང་རྩེའི་གནས།
ཁ་བ་ཅན་གྱི་གདོང་དམར་རྒྱུད་པ་རྣམས།
ག་ལེར་གསོམ་དང་བདག་ཅག་ཐོན་མི་ནི།
ང་ཙམ་མ་ཟད་ཚང་མར་ཤིན་དུ་དྲིན།
ཅ་ཅོའི་གཏམ་གྱི་རྗེས་སུ་འགྲོག་གྱུར་ན།
ཆ་ཤས་ཚང་བའི་རང་རིགས་རིག་གཞུང་ཤོར།
ཇ་ཡང་མི་ཐོབ་ཆང་གི་དྲི་ཡང་ཡལ།
ཉ་མོ་ཆུ་དང་བྲལ་ཞིང་སྲོག་ལ་ཉེན།
ཏ་རེ་སྒྲོལ་མའི་གནས་ལྔ་མི་ལྡན་ཀྱང་།
ཐ་ཆད་ཧ་རིའི་རྩུབ་སྤྱོད་རབ་དོར་ནས།
ད་ཡོད་བོད་ཀྱི་རྩ་ཆེའི་རིག་གཞུང་ལ།
ན་ཆུང་རིག་པ་རྩེ་གཅིག་འབུངས་ན་བཟང་།
ཙ་རིའི་གནས་སྐོར་བྱས་ནས་ཐོས་པ་རྩོལ།
ཚ་གྲང་ཁྱད་བསད་ཤེས་བྱའི་གནས་སྤྱིར་བརྩོན།
ཛ་གྲགས་དེང་གི་ཤེས་རིག་འགྲན་རྩོད་ནང་།
ཝ་ལེར་རང་རིགས་སྐད་ལ་ལྷག་པར་འབད།
ཞ་ར་གཡང་དུ་ལག་ཡུལ་བརྒྱབ་པ་བཞིན།
ཟ་ཟིར་ཆང་རག་ཁོ་ནར་ཞེན་དྲག་ན།
འ་ཅག་བོད་ཀྱི་འཛུགས་བསྐྲུན་ཕར་བཞག་སྟེ།
ཡ་རབས་སྲོལ་བཟང་ཕ་མེས་རིག་གཞུང་བརླག།
ར་གན་གསེར་བརྫུས་ཕུགས་བསམ་མི་བསྟན་པས།
ལ་ལུང་གང་དུ་གནས་པའི་གྲོགས་པོ་དང་།
ཤ་རུས་གཅིག་པའི་ཕ་མ་སྤུན་མཆེད་ཚོ།
ས་ཕྱོགས་གང་དུ་རང་ཉིད་རིག་པ་བསྒྲིམས།
ཧ་ཧ་གད་མོའི་ལམ་དུ་མ་སོང་བར།
ཨ་སྔོན་གནམ་དུ་འཕུར་བསམ་གཤོག་རྩལ་གཏོད།
ཧ་ཤང་འདུད་མོའི་གཡོ་སྒྱུའི་རིགས་ཐ་དག།
ཨ་རྩི་བདག་གི་མི་ཤེས་ཡིད་ཆེས་གནང་།
 

རྩོམ་ཁུངས། ངེད་དྲ་བ།