___དགེ་རྒན་བློ་བཟང་རྒྱ་མཚོ་མཆོག་ལ་མྱ་ངན་གྱི་ཚབ་ཏུ་བྲིས།
 བདེན་པའི་གཟུངས་ལས་ཅི་ཡང་མེད་པའི་ངས
 དོ་ནུབ     ཁྱེད་རང་དྲན་བྱུང
 འོད་ཟེར་ལས་མུན་པར་དགའ་བའི་རི་ལུང་དུ
 དུས་རྟག་ཏུ    ཁྱེད་རང་གཅིག་པུས
 སྟོང་ཉིད་ཟབ་མོའི་གདངས་དབྱངས་ངག་ནས་དཀྲོལ་བ་དྲན་བྱུང
 
དེ་རིང      དད་ལྡན་འགྲོ་མིའི་མིག་ལམ་ནས
 བདེན་པའི་ངོ་བོ་རྫུན་གྱིས་སྦགས་པའི་དམག་མི་དག་གི
 ཚུལ་མིན་གྱི་བྱ་སྤྱོད་དག་མཐོང་དུས
 ངས་ཁྱེད་ཀྱི་ནག་ནོག་དྲི་བྲལ་གྱི་ལྟ་སྒོ་སྤྱོད་གསུམ་དེ་དྲན་གི
 ངས་ཁྱེད་ཀྱི་ལྷད་མེད་དྭངས་གཙང་གི་གཞན་ཕན་དེ་དྲན་གི
 
 དྲན་བྱུང་བའི་དེ་རིང  
 ངའི་འདས་ཟིན་པའི་ཀྱག་ཀྱོག་གི་ལམ་ཁར་ཕྱིར་དྲན་རེ་བྱས་ན
 ཁྱེད་ནི་ངའི་དྲན་དགོས་ལ་དྲན་འོས་པའི་མི་བུ་དག་གི་ཁྲོད་ན
 འོད་དུ་འཚེར་བའི་གསེར་གྱི་ཕྲེང་རྡོག་གཅིག་རེད་ཨང
 
 གང་ལྟར   དེ་རིང་ཁྱེད་ང་ཚོ་དང་གཏན་དུ་གྱེས་ཟིན་པས
 ངས་སྐྱོ་གདུང་གི་མཆི་མ་སྙིང་དུ་སྦས་ནས
 ཁྱེད་ཀྱི་གསེར་ལས་ལྷག་པའི་སྐད་ཆ་དེ་དག
 ནམ་ཡང   སེམས་སུ་སྦྲུམ་སྟེ
 བདེན་པའི་ལམ་ནས་རྒྱལ་བར་ཧུར་གྱིས་བརྩོན
                   ༢༠༡༡   ༧  ༦ཉིན་དྲ་ཁང་ནས་སྤེལ།
 ༢༠༡༡ལོའི་ཧོར་ཟླ་བཞི་བའི་ཚེས་གསུམ་ཉིན་དགེན་བློ་བཟང་རྒྱ་མཚོ་མཆོག་གི་དགོངས་པ་ཆོས་དབྱིངས་སུ་ཐིམས་པའི་ཚུལ་བསྟན་པ་ཁ་པར་ལས་ཐོས་འཕྲལ། གང་གི་གསུང་གི་འོ་མཚོར་ཕྲན་ཙམ་རོལ་བའི་གུས་སློབ་མེ་འབར་དུ་འབོད་པས་གདུང་ཤུགས་དྲག་པོས་ཕ་ཡུལ་དུ་ཡིག་ངོར་ཕབ།

རྩོམ་ཁུངས། ངེད་དྲ་བ།