རུས་རྐང་གིས་དབྱངས་རྟ་བསྒྲིགས་པའི་འགྱུར་ཁུགས་དེ།
  གློག་རླབས་ཁྲོད་འཁྱམ་པའི་རྣམ་ཤེས་ཀྱི་གཏམ་རྒྱུད་ཅིག་ཡིན།
  ཉིན་དང་མཚན་དུ་བསླུ་བྲིད་ཀྱི་ལག་གཡུག་དེ།
  རྨི་ལམ་དང་སྣང་བས་བཟི་དྲག་པས།
  གཅིན་སྐྱག་གིས་མལ་སྟན་རླན་པའི་རུལ་དྲི་ཞིག་རེད།

  ཆང་དམ་གྱི་གར་སྟེགས་སུ་འགྱུར་བཞིན་པའི་ཕ་ཡུལ།
  ཁྱོད་ཀྱི་བྲང་ཁོག་རྡུང་མཁན་གྱི།
  འཚོ་བའི་བཀྲག་མདངས་ཤོར་བའི་ངོ་གདོང་ནག་པོ་དག
  གང་སར་འགྱིག་ཤོག་བཞིན།
  གད་སྙིགས་ཁྲོད་རླུང་བུས་འཁུར་བཞིན་འདུག

 
  དམ་སྟོང་ཞིག་དང་འདྲ་བའི་མི་འདི་ཚོས།
  དམེ་གྲི་ཞིག་རུམ་ལ་བཅུག་ནས་འོང་ཞིང་།
  མེས་བོའི་བླ་མཁར་ཞིག་པའི་དུར་ཁྲོད་ནས།
  ཁྲག་གིས་བརྫིས་བའི་རྐང་རྗེས་འགའ་ལས།
  རང་ལུས་ཚག་ཚག་ཏུ་འཐོར་བཞིན་པ་ཤེས་མ་སོང་།

རྩོམ་ཁུངས། ངེད་དྲ་བ།