སྤྲིན་པ་དཀར་པོ་ལག་འཐིལ་ཙམ་པ་ཞིག
རླུང་ཆེན་པོས་གཏོར་པ་མཐོང་བས
ངས་རང་ཉིད་ཀྱི་མཆི་མ་རྡོག་གཅིག་དེ་ག་ལེར་དྲན་བྱུང
རིན་ཐང་དང་བཅས་ཏེ་ཟགས་པ་ག་ལེར་དྲན་བྱུང
 
རླུང་ཆེན་པོར་བརྩེ་བ་མེད་ལ་རྣ་བའང་མེད་པས
མི་སེམས་ཀྱི་མཛེས་པ་དང་ལྷད་མེད་ཅི་ཡང་གཏོར་ཡོད་ངེས
 
དགའ་དུང་ཞེས་པའི་སྐར་མདའ་རིང་མོ་ཤིག་ཀྱང
རླུང་ཆེན་པོས་འདི་ལྟར་གཏུབ་ནས་ཡོང་ཡོད་སྲིད
དྲན་གདུང་ཞེས་པའི་སེམས་འཕྲིན་རིང་མོ་ཞིག་ཀྱང
རླུང་ཆེན་པོས་འདི་ལྟར་བར་དོར་ནས་ཡོང་ཡོད་སྲིད
 
སེམས་འགྱུ་རྒོད་པའི་རྟོག་པ་ཡན་པ་དེ
སྤྲིན་པ་དཀར་པོ་ལག་མཐིལ་ཙམ་པ་དེ
རླུང་ཆེན་པ་ཁྱོད་རང་ཚུར་ཚུར་ལ་མ་གཡོ་རོགས
རླུང་ཆེན་པོ་ཁྱོད་རང་ཕར་ཕར་ལ་མ་གཡུགས་རོགས

 “ནམ་མཁའ་ཡངས་པོ་ནམ་མཁའ་ཡངས་པོར་གྲུབ་པ་ནས”
རླུང་ཆེན་པོ་མི་སེམས་ཀྱི་ཆུ་འཁྱགས་ཁམ་གང་ངོ་།
 

རྩོམ་ཁུངས། ངེད་དྲ་བ།