གློག་གཟིམས་ཏེ་ངལ་ཞིག་གསོ་བསམ་ཚེ
འབུ་ཞེང་ལེབ  མལ་ཁྲི་ཡི་མགོ་རྔ་གང་རུང་ན
ཅི་ཞིག་ཡིན་མདོག་གིས་ང་ལ་འཇིགས་སྣང་སྟེར
 
ལྭ་བ་མ་གྱོན་པར་གཅེར་བུར་མལ་ས་ནས་མཆོངས་ཏེ
གློག་སྒྲོན་བཀར་བ་ན  འབུ་ཞེང་ལེབ
སྐྱ་ཐལ་ཐལ་གྱི་རང་མདོག་ཅིག་མངོན་ནས
ཀོག་ནུར་ནུར་གྱི་བཟོ་ལྟ་ཞིག་ཉར་ནས
དཔུང་འཇུག་གི་ཇུས་གཞི་ལྡོག་འགྱུར་བྱས་སོང
 
ང    གྲང་འདར་ཞིག་བརྒྱབས་བྱུང
གློག་གཟིམས་ཏེ་ཡང་བསྐྱར་ངལ་ཞིག་གསོ་བསམ་ཚེ
འབུ་ཞེང་ལེབ  ངའི་མཆན་དང་རླིག་འབྲས་སུ་སྐུང་བར་རྩོམ
ལྕགས་སྨྱུག་གིས་རེ་རེ་བཞིན་བསྣུར་བར་འདོད་ཀྱང
ཚང་མ་སྲོག་ཆགས་ཤིག་ཡིན་པར་བསམ་ན
ངས་འབུ་ཞེང་ལེབ་ལ་སྙན་ངག་ཅིག་ལོས་འབྲི
 
འབུ་ཞེང་ལེབ  འུག་པ་བཞིན་མཚན་མོར་རྒྱུ་ཡང
མཚན་མོ་ཡི་གློག་འོད་ལ་ཧ་ཅང་སྐྲག་པས
ངས་དགོང་རེ་རེར་གློག་སྒྲོན་བཀར་ནས་བཞག
              2011.10.13        20/50ལན་གྲུ་ནས།

རྩོམ་ཁུངས། ངེད་དྲ་བ།