རྙིང་དྲགས་པའི་ཤོག་ལེ་ཡི་སྣེ་མོ
ཕར་འཐེན་ཚུར་འཐེན་གྱི་ལམ་ཁར
སྦྲུམ་མ་ཞིག་གི་ལྟོ་བ་བཞིན
ཕྱུགས་ཀྱིས་གཏམས
 
ཕ་གའི་རི་ངོས་ན་འགྲོ་བའི་རླུང་བུ་བཙན་པོ
སུ་ལ་ཡང་གོམ་ཁ་མི་སྟེར་བར
འགྱེང་ཉམས་ཀྱི་ཁེངས་བའི་ཕ་བོང་ལྟར
ཁུ་སུམ་མེར་ཅེར་ནས་སོང་བས
རྒྱང་རིང་གི་རི་བོ་དག་ཀྱང་དགོད་ཁ་ཤོར་དུ་བཅུག
 
འུ་ཚིག་གི་བཟོས་བའི་སྔོན་བྱོན་གསེར་གྱི་རྣ་ལུང་ཆ་མ
ཚི་ཆགས་པའི་བུ་མོའི་ཁུར་མགོ་ན
མདངས་མེད་ཀྱི་ཁ་དོག་ཅི་བཞིན
སྒྲོག་ལ་རྒྱབ་འདུག

རྩོམ་ཁུངས། ངེད་དྲ་བ།