ཁྱོད་ནི  སྐྱེས་པ་ཚོའི་སྙིང་གི་ན་ཆུང་མའི་གསང་བུམ་ཡིན
ཁྱོད་ནི  སྐྱེས་མ་ཚོའི་སྙིང་གི་འདོད་བློ་ཡི་མེ་ཏོག་ཡིན
ཁྱོད་ནི  ཕྱུག་བདག་ཚོའི་མདུན་གྱི་དངུལ་ལོ་ཡི་ང་རྒྱལ་ཡིན
ཁྱིད་ནི  སྙན་ངག་པའི་ཡིད་ཀྱི་བརྗོད་བྱ་ཡི་དབུ་འཁྱུད་ཡིན
ཁྱོད་ནི  ཁྲོམ་ཆེན་འདིའི་བར་གྱི་དྭངས་གཙང་གི་ལེགས་སྐྱེས་ཡིན
ཁྱོད་ནི  སྤུན་གྲོགས་ཚོའི་བར་གྱི་གསེར་ཟམ་གྱི་དཔྱངས་ཐག་ཡིན
ཁྱོད་ནི  འཇུད་མཐུན་ཚོའི་གདོང་གི་བསླུ་བྲིད་ཀྱི་འཛུམ་ཟེར་ཡིན
ཁྱོད་ནི  དཔོན་ཆེན་ཚོའི་རྒྱབ་ཀྱི་ལྟག་སྒོ་ཡི་ལྡེ་མིག་ཡིན
ཁྱོད་ནི  བཟའ་ཟླ་ཚོའི་བར་གྱི་འཁོན་འཛིང་གི་འབྱུང་རྐྱེན་ཡིན
ཁྱོད་ནི  གྲུབ་ཐོབ་ཚོའི་ཕྱག་གི་ངོ་མཚར་གྱི་རྫུ་འཕྲུལ་ཡིན
ཁྱོད་ནི  ཕ་ལོ་ལ་མངའ་བའི་ཞེ་སྡང་གི་སྣ་འདྲེན་ཡིན
ཁྱོད་ནི  མ་ལོ་ལ་མོད་པའི་མིག་ཆུ་ཡི་འབྱུང་ཁུངས་ཡིན

རྩོམ་ཁུངས། ངེད་དྲ་བ།