གློག་འོད་ཀྱི་གུར་དུ
                                           གཟིམས་མ་སད་ཀྱི་བུ་མོ
                                           དབྱངས་ཀྱི་ཆུ་བཞུར
                                           གར་གྱིས་ས་གཡོས
                                           ཆགས་ཉམས་ཀྱི་ལྟ་སྟངས
                                           མེ་ཡི་དཔལ
                                           འདོད་ལྡན་གྱི་གཙང་བོ་ཁོལ
                                           སྐེད་པའི་སྦྲུལ
                                           ཆགས་པའི་སེམས་ལ་འཁྱུད
                                           གཡང་ཕྱུག་འཚོ
                                           ཧི་མ་ལ་ཡའི་སྲས་མོ།།
      གསལ་བཤད།གཡང་ཕྱུག་འཚོའི་གླུ་དབྱངས་༼ཧི་མ་ལ་ཡའི་སྲས་མོ༽ལ་མཉན་རྗེས་བྲིས་པ་ཡིན།འབྲེལ་སྒྲ་དགུ་ལྡན་གྱི་སྙན་ཚིག་འདི་གླུ་དབྱངས་ཀྱི་ཁ་བྱང་དང་མཐུན་པར་འབྲེལ་སྒྲའི་ཕྲད་ཀྱི་སྒྲོག་ལུང་དགུ་དྲིལ་དུ་བྱས་པ་ཡིན་ཞིང་།ཆགས་པའི་རྟེན་འབྱུང་གིས་སྲིད་པ་གསུམ་གཡོ་བའི་ངང་ཚུལ་འདི་སྐྱེ་དགུའི་བདག་པོ་ངོ་མ་བྱོན་པའི་འགྲེལ་བཤད་ཀྱང་མ་ཡིན་ནམ།ང་ཚོས་སྔར་ནས་བུད་མེད་ཀྱི་ལྷན་སྐྱེས་ཆགས་པའི་ཉམས་འགྱུར་ལ་མཐོང་ཆེན་མ་བྱས་པ་དེས་སྒྱུ་རྩལ་གྱི་རྩ་བ་མ་རྙེད་པ་ཇི་བཞིན་བོད་པའི་གླུ་མ་མང་ཆེ་བ་ཆོས་གླུ་དང་ཆབ་སྲིད་ཀྱི་གླུ་དབྱངས་ལེན་མཁན་དུ་བསྐོས་པ་དེས། མི་ཆོས་རང་བཞིན་གྱི་སྒྱུ་རྩལ་བརྩམ་ཆོས་ལ་གཏོར་བརླག་ཚབ་ཆེན་བྱས་ཡོད་དོ།།

རྩོམ་ཁུངས། ངེད་དྲ་བ།