རང་སྣང་གིས་གྲུབ་པའི་མི་ཚེ
ཁ་གཏད་དང་རྒྱབ་འགལ་གྱི་མི་ཚེ
ཨུ་ཚུགས་དང་བཙན་འཛུལ་གྱི་མི་ཚེ
སྟོང་ཉིད་དང་གཏི་མུག་གི་མི་ཚེ
ཀུ་ཅོ་དང་ཀྱལ་ཀ་ཡི་མི་ཚེ
སྐད་ངན་དང་སྐད་ལོག་གི་མི་ཚེ
དབུལ་བོ་དང་ཕྱུག་པོའི་མི་ཚེ
དཔོན་པོ་དང་མི་དམངས་ཀྱི་མི་ཚེ
འཁྲེང་ཞེན་དང་དྲན་གདུང་གི་མི་ཚེ
འཛུམ་མདངས་དང་རེ་སྒུག་གི་མི་ཚེ
མཚན་སྙན་དང་ཆོ་ལོ་ཡི་མི་ཚེ
མུན་ནག་དང་འོད་སྣང་གི་མི་ཚེ
བཅོས་མ་དང་རྟག་བརྟན་གྱི་མི་ཚེ
མི་ཚེ  དགའ་སྐྱིད་ཀྱི་ལོངས་སྤྱོད་ལྡན་པར་སྨོན
མི་ཚེ  སྒྱུ་མ་དང་ཞེ་འཁོན་མེད་པར་སྨོན
མི་ཚེ  བཙན་གཉོམ་གྱི་དབྱེ་བ་དབེན་པར་སྨོན
མི་ཚེ  དྲང་བདེན་གྱི་རྦ་རླབས་འཕྱོ་བར་སྨོན
མི་ཚེ  ཡིད་འོང་གི་ལམ་བུ་རྙེད་པར་སྨོན
མི་ཚེ  བརྩེ་ཟུང་གི་འོད་མདངས་འཕྲོ་བར་སྨོན
མི་ཚེ  བཅུད་ལྡན་གྱི་འཚོ་བ་རྒྱས་པར་སྨོན
མི་ཚེ  ཀུན་བྱམས་དང་སྙིང་རྗེ་ཡོད་པར་སྨོན
མི་ཚེ  ལས་འབྲས་དང་རྒྱུ་འབྲས་བརྩི་བར་སྨོན
མི་ཚེ  ཞི་བ་དང་གོ་རྟོགས་སད་པར་སྨོན
མི་ཚེ  བསམ་པ་དང་སྤྱོད་ཚུལ་ལེགས་པར་སྨོན
མི་ཚེ བསླབ་བྱ་དང་ཞབས་རྗེས་རྟོགས་པར་སྨོན
མི་ཚེ  སྟོབས་འབྱོར་དང་ཡར་རྒྱས་བདོག་པར་སྨོན、

                 2013.4.16ཉིན་གྱི་དགོང་མོར་རང་སྦྱོང་གི་སྐབས་སུ་ཤར་མར་བྲིས་པའོ།།
 

རྩོམ་ཁུངས། ངེད་དྲ་བ།