རྡོ་ཕ་བོང་ཞིག་ལ་སྨྲས་པ།
ཁྱོད་ཀྱི་རང་གཤིས་དེ་འདྲའི་གྱོང་བ་ལ་ཨང
ཁྱོད་ཀྱི་རང་བཞིན་དེ་འདྲའི་མཁྲེགས་པ་ལ་ཨང
ཁྱོད་ནི་རྡོ་བ་ཆེན་པོ་ཆེན་པོ་ཞིག་སྟེ
ཁྱོད་ནི་སུ་ལའང་ཨ་ལན་མི་སྟེར་བའི སྨྲ་བ་མེད་པའི
མྱི་ཆེན་ཁེར་རྐྱང་ཞིག་ཡིན་ནམ
ཉི་མས་བརྩེ་ཞེན་གྱི་ཟུར་མིག་བསྟན་ཡོང་ནའང
ཟླ་བས་བསིལ་ཟེར་གྱི་འཛུམ་མདངས་སྤྲོས་ཡོང་ནའང
ཁྱོད་ནི་སྔར་བཞིན་སྲ་བརྟན་འགྱུར་མེད་ཀྱི་རྡོ་བ་སྔོན་མོ་ཞིག་སྟེ
སྨྲ་བ་མེད་ཅིང་འཛུམ་མདངས་མེད་ལ་དགོད་སྒྲ་མི་འདུག
ངས་ཁ་རོག་གེར་ཁྱོད་ལ་མགོ་བོ་བསྙེན་ནས
ངལ་གསོ་ཨེན་ཙམ་རྒྱག་ཞོར
ཁྱོད་ཀྱི་འདས་མ་ད་གསུམ་གྱི་ལོ་རྒྱུས་བཀླག་འདོད་ལགས
༢༠༡༡ ༤ ༡༩ཉིན།
རྩོམ་ཁུངས། ངེད་དྲ་བ།