ང་ཡིས མུན་ནག་གི་རུམ་ཁ་ནས་རང་ཉིད་དྲན
དེ་ནི་མེ་ཏོག་ཅིག་བཞད་ཚུལ་དྲན་པ་དང་མི་འདྲ་ནའང
མཛེས་སྡུག་ལྡན་པའི་འདས་སོང་དག་ལས
མཚམས་མཚམས་སུ་ངས་སྔོན་ཆད་མང་པོ་ཞིག་དྲན

དོ་ནུབ་ཡང་བསྐྱར་མུན་ནག་གི་ཀློང་ནས་བསྡད་དེ
སུ་ཡང་མི་མཐོང་བའི་རྒྱང་རིང་ཞིག་ལ་བལྟས

ཟླ་འོད་མག་མོག་གཅིག་ཆར་ཆུར་འདྲེས་ཤིང
ཤིན་ཏུ་བསིལ་བའི་རླུང་བུ་དལ་མོར་ལྡིང

ཁྱེད་རང་དེ་དག་གི་ཁྲོད་ནས་ཕར་ལ་སོང་ཡང
ང་རང་ཕྱིར་ཁོར་ནས་རང་གི་ཉལ་ཁང་དུ་ཡོང

རྨི་ལམ་རུམ་པའི་མི་དག་ང་དང་གྱེས་ཤིང
དབྱང་དབུགས་ཟད་པའི་ཁང་སྟོང་ཤུལ་དུ་ལྷག
དེའི་ནང་གི་ང་རང་སུན་པ་དང་སྐྱོ་བ་དྲག་པོས་མནར

ཡིན་ཡང ཏག་ཏག་སྐབས་དེར
ཁྱེད་ཀྱིས་རོལ་དབྱངས་བཀྲོལ་ལ
སྣ་གླུ་འཐེན་པའི་འུར་ཟིང་གིས་ང་རང་དཀྲོགས

    (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།