ཕྱི་ལོ་༢༠༡༤ལོའི་སྙན་ཚོམ།


༡༽ མུན་ནག་དང་མིག

འཇིག་རྟེན་དུ་མ་སླེབས་པའི་སྔོན་དུ།
སུ་ཞིག་གིས་མུན་ནག་གི་ཐ་སྙད་གང་ལ་སྦས་ཡོད་དམ།
དཀར་ངོགས་ཆེས་ཆེར་ཡོད་པའི་ས་གཞིའི་ངོས་ནས།
ག་ལེར་ནར་སོན་ཞིང་།  གོམས་པར་གྱུར་ཚེ།
ད་གཟོད།   ཁྱེད་རང་མུན་ནག་ལ་འཇིགས་ཤིང།
འཇིགས་ཡེར་བའི་གཏམ་རྒྱུད་ཡོད་ཚད།
མཚན་མོའི་འདྲེ་སྒྲུང་ལས་བྱུང་བ་དྲན་ནམ།
 
༢༽ ཁ་དང་ལག་པ།
གལ་སྲིད།  མ་བསམ་སའི་དོན་དངོས་ཤིག་དཔེ་རུ་བླངས་ན།
ཁ་ནི་ལག་པས་བཀོལ་བའི་བྲན་གཡོག་མགར་བ་དེ་ཡིན་ཞིང་།
ལག་པ་ནི་དཔོན་པོའི་སྲས་མོ་ཡེ་ཤེས་ལྷ་མོ་ལགས་ཡིན།

༣༽ རི་མོར་བྲིས་པའི་དྲི་བ།
གཅེར་བུར་འགྲོ་བའི་བུད་མེད་ཅིག་མཐོང་ཚེ།
བཤད་ལུགས་གསུམ་ཡོད་དེ།
ཤིང་ལོ་གོན་པའི་གདོན་མའི་བུད་མེད་ཅིག་དང།
སྨྱོན་པར་གྱུར་བའི་ནད་གཞིའི་གོད་ཆག་ཅན་ཞིག
ནུབ་ཕྱོགས་ཀྱི་མཚོ་འགྲམ་ལ་ཡོད་པའི་སྤྲོ་འཆམ་པ་ཞིག
འདི་དག་གི་ཁྲོད་དུ་བོད་མོ་ཞིག་ཡོད་ཚེ།
ཐ་སྙད་གསར་པ་ཞིག་ང་ཚོའི་ཁ་ལ་རྒྱུན་འཇགས་སུ་འགྲོ་ངེས་སམ།
ཡང་ན།  ཐབས་ཤེས་གཞན་ཞིག་ཡོད།
 
༤༽ མཚོན་བྱ་དང་མཚོན་བྱེད།
ཤོག་ལེབ་ཏུ་བྲིས་པ་མཐའ་དག
རླུང་གིས་འཁྱེར་ཚར་རྗེས།
རྒྱུད་སྐུད་ཅིག་གི་གདངས་ངོགས་སུ།
རྣམ་ཤེས་འཁྱམས་པོ་ཞིག་གིས་བར་མེད་དུ།
རང་ཉིད་ལ་ལྷིང་འཇགས་མིན་པའི་སེམས་པ་བཟོ་བཞིན་ཡོད།
དེ་ནི་སུས་ཀྱང་མ་ཤེས་པ་རུང་སྟེ།
ཁྱོད་ཀྱང་གཏན་ཏུ་ཡལ་ཚར་བའི་ཤོག་ལེབ་ཅིག་ཏུའང་འགྱུར་དཀའ།
 
༥༽ དམྱལ་བ་དགུ་ཞབས་ཀྱི་བོད་ཡར་ལ་ཐོན་ཤོག
ཡར་ལ་བལྟས་བལྟས་པས་ཐང་ཆད་པར་འགྱུར་ཏེ།
ད་ནི་སྒང་ནས་མར་ལ་གཟིགས་ཤིག
 
༦༽ ཁ་ཡི་རླབས་ལ་མྱ་ངན་གྱི་དྲན་གསོ།
བྱེ་རྡུལ་གྱི་རླབས་ཆེན་པོ་ཞིག
ཡངས་པའི་རྩྭ་ཐང་ལ་ཕབ་ཚེ།
དེ་ཡང་བྱེ་ཐང་ཆེན་པོ་ཞིག་སྟེ
མིག་སྒྲིབ་ཅིང་།
མྱ་ངན་དང་རྔ་མོང་། 
ཁ་སྐོམ་གྱི་ཚོར་བ་རྒྱུན་པར་ཡིད་ལ་འཁོར་བའི།
བརྒལ་དཀའ་བའི་འཇིག་རྟེན་དེ་ཉིད་དོ།
 
༧ ༽ དོ་དགོང་།
ང་རང་མུན་ནག་ནང་ཁ་ཁུ་སིམ་པོར།
སེམས་ཀྱི་སྟོང་ཁམས་ལ་ཟུག་ངུས་ཁེངས་ནས་ཡོད།
བྱིས་དུས་ཀྱི་རྨི་ལམ་ཡལ་རྗེས།
འཚོ་བ་ནི་ཧ་ཅང་གསལ་བའི་ཚོས་གཞིའི་བྲིས་ཡིག་གིས་གཏན་འཁེལ་ཞིང།
དཀར་བོ་ནི་དཀར་པོ་དང་ནག་པོའང་ཤིན་ཏུ་གསལ།
 
ང་རང་ཁ་ཁུ་སིམ་པོར་བྲེལ་དངངས་ཀྱིས་མནར་ཞིང།
དྲན་སྣང་གིས་རྒྱ་ཡན་དུ་མི་གཏོང་བའི།
སྟོན་འཇུག་གི་མཛོ་མོ་བ་དཀར་ཞིག་ཡིན།
བདག་གིས་ཕ་ས་དྲན་ཞིང། མ་འོངས་པའང་དྲན།
 
ང་རང་མུན་ནག་ཏུ་ཙོག་ཞིང།
སྨག་གསལ་བའི་དོ་ནུབ་ཀྱི་གདུང་གླུ་ཡལ་བར་སྨོན།
རི་རབ་ཀྱི་རྩེ་མོ་མཐོང་ཞིང།
བརྒལ་དཀའ་བའི་སེམས་འདུན་གྱིས་ངལ་དུབ་ཀྱི་ཟུག་རྔུ་འབྱིན།
 
ང་རང་མུན་ནག་ནང་ཁ་ཁུ་སིམ་པོར་ཡོད།
 
༨༽ ཆར་སམ་སིམ་ནང་གི་དྲན་སྣང་།
སེམས་ཀྱི་འདུན་པ་འགོག་མེད་པ།།
བརྩེ་བའི་ཁ་བ་གངས་ཀྱིས་བཞུ།།
མཇལ་འཛོམས་སྤྲོ་བའི་གཟི་འོད་ཀྱིས།།
དགུན་འཁྱག་སྣང་བའི་སྐྱོ་བ་སྦྱིན།།
བསླུས་སམ་འདོད་པའི་སྣ་ཐག་བཞག།
གར་འགྲོ་ངེས་མེད་མགོ་ཡོམ་འཁོར།།
རྫུན་ནམ་གཏད་སོ་བྲལ་བའི་སེམས།།
ལོ་བརྒྱའི་ཤུལ་གྱི་མཁར་རོ་འདྲ།།
མཐོ་བ་བཙན་རྫོང་སྙེགས་པའི་ཤུལ།།
སྤྲོ་དགའི་མཚན་ཐུན་དུངས་པས་བཟི།།
དོ་ནུབ་མཚན་ནམ་རིང་མོ་ཞིག།
འཁྱོལ་དཀའི་སྣང་བ་འདི་ཀོ་ཅི།།
སེམས་དང་བསམ་པ་སྦྲེལ་བ་འདྲ།།
ཡིད་ཀྱི་སྣེ་ལ་རྡོག་པ་ལྕི།།
ཡིད་དང་ཡིད་ཀྱིས་ཤེས་པ་འདྲ།།
དྲན་སྣང་གཅིག་པུ་གཏམ་དུ་བྱས།།

༩༽ དཔའ་བོ་དྲན་པའི་ས་སྲོད།
            ----པཎ་ཆེན་རིན་པོར་ཆེར་རྗེས་དྲན་དུ།
བྱང་ཕྱོགས་ཀྱི་རི་བོར།
བལྟ་འདོད་མེད་པའི་སྤྲིན་པས་འཚང་ཁ་རྒྱག་ཅིང།
སྨུག་པར་གྱུར་བའི་སྤྲིན་པ་ནི་གྲང་ངར་ཏུའང་འགྱུར་སྲིད།
དགུན་ལྗོངས།  སེམས་ཀྱིས་ཐེག་དཀའ་བའི་དེ་རིང།
སྨུག་པ་དེ་ད་གཟོད་ངས་ཀྱང་གྲང་རླུང་ཏུ་ཚོར་ཞིང།
བདག་རང་གི་ཁེ་ཕན་གཅིག་པུར་ལུས་པའི།
ཁ་སྟབས་ཕྲན་བུ་དེའང་དེ་ཉིད་ཡིན་པ་འདྲ།
 
དུས་ཚོད་འདི་དག་དག་ལ།
གདུང་ཚོར་ཅན་གྱི་མར་མེ་ལྷེམ་ལྷེམ་ཞིག
ཡལ་ཉེ་བའི་ཉི་ཟེར་ཕྲ་མོ་དེ་དང་འདྲ་ཞིང།
ཡང་ན།  དུས་མཐའི་དཔའ་བོ་ཞིག་གི
བྲལ་ཁའི་གྱེས་ཕྱག་གི་སྣང་བརྙན་དེ་དང་འདྲ།
 
དོན་དངོས་སུ་སྨུག་པ་དེ་འཐིབས་ནས་ཡལ་ཟིན་ཞིང།
ཡལ་ནས་ཡང་བསྐྱར་ཚོར་འོངས་པའི།
ཕྱི་དྲོ་འདིར་ངས།  ཅིས་ཀྱང་རང་ཉིད་ཀྱི་གདུང་ཚོར་ཕྲན་ཙམ་དེ།
ནམ་ཡང་མཐོང་མི་ཐུབ་པའི་ནང་མ་སྦུག་སྦུག་ཅིག་ཏུ་འཇོག་འོས།

       (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཕྱི་ལོ་༢༠༡༤ལོའི་སྙན་ཚོམ།

2014-06-27 རས་པ། ཀློག་གྲངས། མཆན ཡོད།


༡༽ མུན་ནག་དང་མིག

འཇིག་རྟེན་དུ་མ་སླེབས་པའི་སྔོན་དུ།
སུ་ཞིག་གིས་མུན་ནག་གི་ཐ་སྙད་གང་ལ་སྦས་ཡོད་དམ།
དཀར་ངོགས་ཆེས་ཆེར་ཡོད་པའི་ས་གཞིའི་ངོས་ནས།
ག་ལེར་ནར་སོན་ཞིང་།  གོམས་པར་གྱུར་ཚེ།
ད་གཟོད།   ཁྱེད་རང་མུན་ནག་ལ་འཇིགས་ཤིང།
འཇིགས་ཡེར་བའི་གཏམ་རྒྱུད་ཡོད་ཚད།
མཚན་མོའི་འདྲེ་སྒྲུང་ལས་བྱུང་བ་དྲན་ནམ།
 
༢༽ ཁ་དང་ལག་པ།
གལ་སྲིད།  མ་བསམ་སའི་དོན་དངོས་ཤིག་དཔེ་རུ་བླངས་ན།
ཁ་ནི་ལག་པས་བཀོལ་བའི་བྲན་གཡོག་མགར་བ་དེ་ཡིན་ཞིང་།
ལག་པ་ནི་དཔོན་པོའི་སྲས་མོ་ཡེ་ཤེས་ལྷ་མོ་ལགས་ཡིན།

༣༽ རི་མོར་བྲིས་པའི་དྲི་བ།
གཅེར་བུར་འགྲོ་བའི་བུད་མེད་ཅིག་མཐོང་ཚེ།
བཤད་ལུགས་གསུམ་ཡོད་དེ།
ཤིང་ལོ་གོན་པའི་གདོན་མའི་བུད་མེད་ཅིག་དང།
སྨྱོན་པར་གྱུར་བའི་ནད་གཞིའི་གོད་ཆག་ཅན་ཞིག
ནུབ་ཕྱོགས་ཀྱི་མཚོ་འགྲམ་ལ་ཡོད་པའི་སྤྲོ་འཆམ་པ་ཞིག
འདི་དག་གི་ཁྲོད་དུ་བོད་མོ་ཞིག་ཡོད་ཚེ།
ཐ་སྙད་གསར་པ་ཞིག་ང་ཚོའི་ཁ་ལ་རྒྱུན་འཇགས་སུ་འགྲོ་ངེས་སམ།
ཡང་ན།  ཐབས་ཤེས་གཞན་ཞིག་ཡོད།
 
༤༽ མཚོན་བྱ་དང་མཚོན་བྱེད།
ཤོག་ལེབ་ཏུ་བྲིས་པ་མཐའ་དག
རླུང་གིས་འཁྱེར་ཚར་རྗེས།
རྒྱུད་སྐུད་ཅིག་གི་གདངས་ངོགས་སུ།
རྣམ་ཤེས་འཁྱམས་པོ་ཞིག་གིས་བར་མེད་དུ།
རང་ཉིད་ལ་ལྷིང་འཇགས་མིན་པའི་སེམས་པ་བཟོ་བཞིན་ཡོད།
དེ་ནི་སུས་ཀྱང་མ་ཤེས་པ་རུང་སྟེ།
ཁྱོད་ཀྱང་གཏན་ཏུ་ཡལ་ཚར་བའི་ཤོག་ལེབ་ཅིག་ཏུའང་འགྱུར་དཀའ།
 
༥༽ དམྱལ་བ་དགུ་ཞབས་ཀྱི་བོད་ཡར་ལ་ཐོན་ཤོག
ཡར་ལ་བལྟས་བལྟས་པས་ཐང་ཆད་པར་འགྱུར་ཏེ།
ད་ནི་སྒང་ནས་མར་ལ་གཟིགས་ཤིག
 
༦༽ ཁ་ཡི་རླབས་ལ་མྱ་ངན་གྱི་དྲན་གསོ།
བྱེ་རྡུལ་གྱི་རླབས་ཆེན་པོ་ཞིག
ཡངས་པའི་རྩྭ་ཐང་ལ་ཕབ་ཚེ།
དེ་ཡང་བྱེ་ཐང་ཆེན་པོ་ཞིག་སྟེ
མིག་སྒྲིབ་ཅིང་།
མྱ་ངན་དང་རྔ་མོང་། 
ཁ་སྐོམ་གྱི་ཚོར་བ་རྒྱུན་པར་ཡིད་ལ་འཁོར་བའི།
བརྒལ་དཀའ་བའི་འཇིག་རྟེན་དེ་ཉིད་དོ།
 
༧ ༽ དོ་དགོང་།
ང་རང་མུན་ནག་ནང་ཁ་ཁུ་སིམ་པོར།
སེམས་ཀྱི་སྟོང་ཁམས་ལ་ཟུག་ངུས་ཁེངས་ནས་ཡོད།
བྱིས་དུས་ཀྱི་རྨི་ལམ་ཡལ་རྗེས།
འཚོ་བ་ནི་ཧ་ཅང་གསལ་བའི་ཚོས་གཞིའི་བྲིས་ཡིག་གིས་གཏན་འཁེལ་ཞིང།
དཀར་བོ་ནི་དཀར་པོ་དང་ནག་པོའང་ཤིན་ཏུ་གསལ།
 
ང་རང་ཁ་ཁུ་སིམ་པོར་བྲེལ་དངངས་ཀྱིས་མནར་ཞིང།
དྲན་སྣང་གིས་རྒྱ་ཡན་དུ་མི་གཏོང་བའི།
སྟོན་འཇུག་གི་མཛོ་མོ་བ་དཀར་ཞིག་ཡིན།
བདག་གིས་ཕ་ས་དྲན་ཞིང། མ་འོངས་པའང་དྲན།
 
ང་རང་མུན་ནག་ཏུ་ཙོག་ཞིང།
སྨག་གསལ་བའི་དོ་ནུབ་ཀྱི་གདུང་གླུ་ཡལ་བར་སྨོན།
རི་རབ་ཀྱི་རྩེ་མོ་མཐོང་ཞིང།
བརྒལ་དཀའ་བའི་སེམས་འདུན་གྱིས་ངལ་དུབ་ཀྱི་ཟུག་རྔུ་འབྱིན།
 
ང་རང་མུན་ནག་ནང་ཁ་ཁུ་སིམ་པོར་ཡོད།
 
༨༽ ཆར་སམ་སིམ་ནང་གི་དྲན་སྣང་།
སེམས་ཀྱི་འདུན་པ་འགོག་མེད་པ།།
བརྩེ་བའི་ཁ་བ་གངས་ཀྱིས་བཞུ།།
མཇལ་འཛོམས་སྤྲོ་བའི་གཟི་འོད་ཀྱིས།།
དགུན་འཁྱག་སྣང་བའི་སྐྱོ་བ་སྦྱིན།།
བསླུས་སམ་འདོད་པའི་སྣ་ཐག་བཞག།
གར་འགྲོ་ངེས་མེད་མགོ་ཡོམ་འཁོར།།
རྫུན་ནམ་གཏད་སོ་བྲལ་བའི་སེམས།།
ལོ་བརྒྱའི་ཤུལ་གྱི་མཁར་རོ་འདྲ།།
མཐོ་བ་བཙན་རྫོང་སྙེགས་པའི་ཤུལ།།
སྤྲོ་དགའི་མཚན་ཐུན་དུངས་པས་བཟི།།
དོ་ནུབ་མཚན་ནམ་རིང་མོ་ཞིག།
འཁྱོལ་དཀའི་སྣང་བ་འདི་ཀོ་ཅི།།
སེམས་དང་བསམ་པ་སྦྲེལ་བ་འདྲ།།
ཡིད་ཀྱི་སྣེ་ལ་རྡོག་པ་ལྕི།།
ཡིད་དང་ཡིད་ཀྱིས་ཤེས་པ་འདྲ།།
དྲན་སྣང་གཅིག་པུ་གཏམ་དུ་བྱས།།

༩༽ དཔའ་བོ་དྲན་པའི་ས་སྲོད།
            ----པཎ་ཆེན་རིན་པོར་ཆེར་རྗེས་དྲན་དུ།
བྱང་ཕྱོགས་ཀྱི་རི་བོར།
བལྟ་འདོད་མེད་པའི་སྤྲིན་པས་འཚང་ཁ་རྒྱག་ཅིང།
སྨུག་པར་གྱུར་བའི་སྤྲིན་པ་ནི་གྲང་ངར་ཏུའང་འགྱུར་སྲིད།
དགུན་ལྗོངས།  སེམས་ཀྱིས་ཐེག་དཀའ་བའི་དེ་རིང།
སྨུག་པ་དེ་ད་གཟོད་ངས་ཀྱང་གྲང་རླུང་ཏུ་ཚོར་ཞིང།
བདག་རང་གི་ཁེ་ཕན་གཅིག་པུར་ལུས་པའི།
ཁ་སྟབས་ཕྲན་བུ་དེའང་དེ་ཉིད་ཡིན་པ་འདྲ།
 
དུས་ཚོད་འདི་དག་དག་ལ།
གདུང་ཚོར་ཅན་གྱི་མར་མེ་ལྷེམ་ལྷེམ་ཞིག
ཡལ་ཉེ་བའི་ཉི་ཟེར་ཕྲ་མོ་དེ་དང་འདྲ་ཞིང།
ཡང་ན།  དུས་མཐའི་དཔའ་བོ་ཞིག་གི
བྲལ་ཁའི་གྱེས་ཕྱག་གི་སྣང་བརྙན་དེ་དང་འདྲ།
 
དོན་དངོས་སུ་སྨུག་པ་དེ་འཐིབས་ནས་ཡལ་ཟིན་ཞིང།
ཡལ་ནས་ཡང་བསྐྱར་ཚོར་འོངས་པའི།
ཕྱི་དྲོ་འདིར་ངས།  ཅིས་ཀྱང་རང་ཉིད་ཀྱི་གདུང་ཚོར་ཕྲན་ཙམ་དེ།
ནམ་ཡང་མཐོང་མི་ཐུབ་པའི་ནང་མ་སྦུག་སྦུག་ཅིག་ཏུ་འཇོག་འོས།

       (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།