སེམས་སུ་སྨུག་པ་འཐིབ་ཚེ་ངུ་བར་འདོད
རོ་དང་བྲོ་བ་མེད་པའི་ཉིན་ཞག
ཙག་གི་འདབ་ཁ་ལ་འཐམ་ན
འཆི་བར་བསམ་བྱུང
རྣམ་སྨིན་འམ
ཡང་ན་་་

སྙན་ངག་ནི
སྐྱོ་རོགས་ཤིག་སྟེ
དྲན་པ་འབར་རྗེས་སུ
རྨ་ཁའི་གནད་ས་རུ་སྦར་ཤད་བྱེད
ལྕགས་ཀྱིས་གྲུབ་པའི་ཕོ་བྲང་སྒོ་མེད་ཀུན་ཏུ
ང་ཡི་རྣམ་ཤེས་ཀྱིས་ཕར་རྒོལ་ངང་འཁང་ར་བྱས་བྱུང

བསྒྱུར་རྩོམ་མི་གླེང་བར་ཁ་རོག་གེར་སྒྲུང་གཏམ་ཀློག་ཚེ
ཕུགས་སུ་བཅུག་པའི་གནད་ཚིག་ཅིག་རྙེད་དགོས
འོད་ཟེར་འཕྲོ་བའི་མ་འོངས་པ་བསམ་ན
ང་ཡི་ཁྱོད་ཉིད་མནའ་མར་ལེན་ངེས
བརྩེ་དུང་བཅང་བའི་ལོ་ཟླ
ཁྱོད་ཀྱིས་བརྩིས་ཨེ་མྱོང

ཡིག་ཚོཊ་གཏོར་ཅིང
འཚོ་བ་བྲིས་པའི་དོ་ཞག
ནམ་ཚ་གཏོང་ཐབས་ཙམ་ལས
རྨ་བྱའི་སྒྲོ་ཐུལ་གྱི་རི་མོ་བྲིས་པ་གཏན་ནས་མིན
འཇའ་ཚོན་གྱི་སྐས་ལ་བསྟེན་ནས་ནམ་མཁར་འཛེག་དོན
སངས་རྒྱས་ལ་མངའ་བའི་མཚན་དཔེ་དག་ཐོབ་པའི་སླད་དུའོ།།

                              2015/1/12/ལ་གྲུབ།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།