འཆར་ཡན་གྱི་རྩིག་ངོས་སུ་ད་དུང་གསལ་པོར་ཤར
རླུང་བུའི་འཁོར་ཕྱོགས་སུ་དྲི་བསུང་ཡངས་མོར་རྒྱུ
ལྗོན་པའི་ལོ་འདབས་ལས་ཟིལ་ཐིགས་འབབ་ཅིང
རི་བྱེའུ་དག་གིས་ང་དང་རྒྱང་བཀྱེད
སྨུག་པས་རི་ལུང་གཡོགས་ཤིང
ཆར་བའང་སྔར་བཞིན་འབབ

ཡལ་དཀའ་བའི་རྐང་རྗེས་སུ་ཞིག་གིས་བསུབས་ཡོད
རྩྭ་ཡི་འཛིང་རགས་དཀྱིལ་དུ
མིག་འོད་ཀྱིས་སྐམ་པར་བྱས་པའི་ཆར་གྱི་མེ་ཏོག
ངས་སླར་ཡང་རི་མོར་བྲིས་ཏེ་སྐྱེས་སུ་བཅུག
མེ་ཏོག མེ་ཏོག རྩྭ་ཡི་ཤོམ་ལྭ
འཇིག་རྟེན་ནི་སྔར་བཞིན་སྨུག་པའི་གསེང་གི་དངན་པ་ཞིག

ཁོ་ཚོས་ང་ལ་རི་རབ་ཀྱི་རྩེ་མོ་བསྟན
བརྒལ་དཀའ་བའི་སྒྲུང་བཤད
ངས་རང་ཉིད་ཀྱི་སྙིང་ལག་པར་བླངས་ཏེ
སྨུག་པའི་གསེང་དུ་ཤུགས་ཀྱིས་གཡུགས

ང་ཡི་འགྲུལ་བཞུད་ཀྱི་ལམ་ཁར
མིག་མདུན་དུ་ཆེན་པོ་ཆགས་བཞིན་པའི་རྒྱལ་པོ
ངས་ཁྱོད་ཀྱི་རྔུར་སྒྲ་ཡང་མོ་གཅིག་པུ་གོ་ཐུབ

 ཀྱེ རི་ལུང་སྨུག་པས་བཟུང
སྨུག་པ སྨུག་པ
                 ༢༠༡༥།༧།༢༩ཉིན།  

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།