རྩྭ་ཐང་མེར་ཤོར་བ་དང་ནོར་རྣམས་ཤི་བ་སོགས
ལུག་དང་རྟ་དང་སྒོ་ཁྱི་སོགས་ཤི་བ
ཁང་བ་སོགས་བརྡིབས་པ
ཆུང་མ་དང་ཕྲུ་གུ་བཏེགས་པའི་མི་ཕོ་ཞིག
ཆུ་ལ་ལྕེབས་པ་སོགས
               ༢༠༡༥ ༢ ༡༥

                                           གནམ་གྲུ་ཞིག་ཀླད་གཙུག་ལ་བབས་པ།

སྡོང་བོ་འདི་ལ་རྐང་བ་མེད་པ
ལག་པ་དང་མགོ་མེད་པ
རྣམ་ཤེས་དག་དེ་ལ་འཁོར་བ
ང་ཡི་འཇིགས་པ་དག་གྲི་ཡི་རྩེ་མོར་ཟགས་པའི་ཆུ་མོ
ཆུ་མོ་ནི་ཁྱེད་ཀྱི་ནེམ་ཤ ང་ཡི་ཁོག་ལ་འབྱར་བ
འོག་ལ་ཟུག་པའི་ཕུར་བ
དམྱབ་བ་བོ ང་ཡི་ཕྲག་དོག་དང་ཐན་པ་དག
                ༢༠༡༥ ༡༠ ༨ 

                                         མི་རྣམས་ཀྱི་རྐང་བ།

མདང་ནུབ་ཆང་གིས་རབ་ཏུ་བཟི
ཞོགས་པར་མི་རྣམས་ཀྱིས་ང་རང་རུབ་ཅིང་ཧོན་འཐོར
ང་ཡི་ལུས་པོ་གཅེར་བུར་བཅལ
མི་རྣམས་ཀྱི་མགོ་བོ་རེ་རེར་དྲས
སེམས་ཀྱི་མི་དེ་ལ་སྐད་ཆ་བཤད་པ་སོགས
རི་མོའི་ནང་གི་མི་དག་ང་ཡི་ལུས་པོའི་སྨད་ལ་སྤངས
སྤྲིན་པ་ཞིག་ང་ཡི་ཀླད་པའི་གསེང་ལ་ཡིབ
དེའི་གསེང་གི་བུ་མོ་དེའི་གཞའ་ཁ་ང་ལ་བཟེད་པ
ང་ཡི་ཆགས་པ་དག་རི་བོ་ལྟར་མཁྲེགས་ཤིང་སྲ་བ
སུ་ལ་བཤད  ང་རང་རྡོ་བ་འདིས་ཤིན་ཏུ་མནར་བ་དག
                      ༢༠༡༥ ༡༠ ༨ 

                                                                       རྩོམ་སྒྲིག་པ། དབང་མོ།

                                                                                 
                                                                                                   (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།