ས་དམར་གྲགས་པས་བརྩམས་པའི་སྙན་ཚོམ། 《ཕྱག་ལ》



                     ལྷོ་སྒོ།

ངས་རྡོ་བའི་ས་བོན་ཞིག་རང་གི་ནང་ཁོག་ཏུ་བཏབ།
རུས་པ་རྡོ་རུ་འགྱུར་བར་བསྔོ་སྨོན་བྱས།

ར་མ་སྒང་གྲུ་ཁ་ནས་མིག་གིས་མ་ཟིན་པའི་འཇའ་ཡི་ལག་པ་ཞིག་བཙལ།
སྤྲིན་པ་རླུང་དང་འཕྲད་པར་ཡུན་རིང་བསྒུགས།

གསེར་གྱི་བྱེ་མ་དག་ལས་ཡི་གེ་འཁྲུངས་པར་ལོ་ཚིགས་བྲིས།
ས་ཁྲའི་ངོས་ནས་ཁྲུང་ཞུ་མ་ཞིག་དྲན།

ངས་མཆོད་ཁང་ནང་དུ་པེ་ཁཱ་སོ་ཡི་རི་མོ་བཤམས།
ལྷ་སར་ཆར་པ་འབབ་པར་རེ་ལྟོས་བྱས།

ཁྲུང་ཁྲུང་གཉིས་མཉམ་དུ་རྒྱང་ལ་འཕུར།
གྲིབ་མ་གསུམ་ས་ལ་དཔར།

ལྷ་ས་ནི་སྙན་ངག་ཅིག་གོ།
མི་ཡི་དཀྱིལ་འཁོར་ཞིག་གོ།

                      འཕྱོངས་རྒྱས།

བསང་རྡུལ་གྱི་ཁྲབ་རྨོག་གྱོན་པའི་ནམ་མཁའ་རུ།
སོག་སྐད་ལས་རྒྱ་ཡན་དུ་ཤོར་བའི་གཞས་གདངས་ཤིག་འཁོར་འདུག
རུས་མཛོད་ཀྱི་མིང་ཚིག་འགྲེལ་བྱེད་ཀྱི་སྒྲོག་གུ་དཀར་པོ་ཞིག
ལུས་ཀྱི་ཁང་སྟོང་ཉུལ་བའི་གྲིབ་མ་ཞིག་ཏུ་གྱུར།

དངུལ་དཀར་གའུ་དེ་དྲན་བྱུང་ངམ། དོ་བདག་ཆང་མ་དེ་དྲན་བྱུང་ངམ།
ཁྲུང་རྐྱན་ནང་གི་ལོ་ཚིགས་ལ་ཤོད་རྒྱུའི་སྐད་ཆ་དེ་དག
མཆོད་པ་འབུལ་བའི་ཚུལ་གྱིས།
ལྷ་སྐུ་ཞིག་ལ་བཅོལ་ཟིན།

རྡོ་བ་དཀར་ནག་གི་ཚོན་རྩི་མ་ཕོག་པའི།
འཁོར་བའི་བློས་བསླངས་ནང་གི་མི་དེ་གང་དུ་ཕེབས་སོང་།
ངག་ལ་གཞས་གདངས་གསོས་པའི།
ཚིག་གི་རུས་པ་སྲ་མོ།

                       ཡར་ལྷ་ཤམ་པོ།

སེང་གེའི་རལ་བ་ལྟ་བུའི།  གཡུ་འབྲུག་གི་སྒལ་བ་ལྟ་བུའི།  
སྟོབས་ཀྱིས་འགྱིང་བའི་ཡར་ལྷ་ཤམ་པོ།
གོས་དཀར་ཉི་མས་ཚིག་འདྲའི་རི་རྒྱུད་འདི་རུ།
ཁྱོད་ཀྱི་རུས་པ་གྲང་མོར་ལུས་ཡོད་དམ།

སྤོབས་པ་གནམ་ལ་མི་ཤོང་བའི་བྱ་རྒོད་ཀྱི་ཚོགས་དག
རྫ་གསེང་གི་རྩྭ་ཟིལ་ལས་གཙང་བོར་འདྲེས་རྗེས།
གངས་རིའི་ཤུལ་དུ་རྡོ་བ་འབུས་སོང་ངམ།

ང་རང་ཨ་མདོ་བ་ཞིག་སྟེ།
རུས་གསེང་དུ་ཁྱོད་ཀྱི་གངས་ཆབ་བཞུར་མྱོང་བའི།
ཐག་རིང་མགྲོན་པོ་ཞིག་གོ།

                        ལྷུན་རྩེ་རྫོང་།

རྐང་པ་ཆེ་རུ་ཕྱིན་འདུག་གམ། ལྷམ་མགོ་ཆུང་དུ་ཕྱིན་འདུག་གམ།
མིག་གི་མཐའ་རུ་བཏབ་པའི་ཕྲ་རྒྱན་འདི་དག  
ངའི་མིང་གི་ཕྱེད་ཀ་དང་འདྲ་བའི།
བསྔོ་སྨོན་གྱི་སྣེ་ལ་འཇུས་པའི་སྤྲིན་པ་དཀར་ནག་དེ་རེད་དམ།
བཅོལ་གདམས་གྱི་རྭ་ལས་ཤོར་བའི་ལུས་ཀྱི་ངལ་བ་འདི་དག  
དེ་རིང་ངས་གཞི་ནས་ཁྱོད་བཅོལ་ཐུབ་པ་བྱུང་།
ང་རྒྱལ་གྱིས་འགྱེལ་མ་མྱོང་བའི་རྟ་པ་དེ་དག
གཉལ་གཞུང་གི་སྙེ་མ་འདི་དག་གོ།

                       ཡང་རྩེ་དགོན།

བྱ་རྒྱལ་འཕུར་ལམ་གསལ་ཡང་།
ཤི་བོའི་རྣམ་ཤེས་བདེའམ།
སེམས་ཀྱི་སྨྱུག་ཁ་ནས་བབས་པའི་ཆར་བ་འདི་དག་གིས།
ཅི་ཞིག་འཚེམ་བཞིན་འདུག་གམ།

ཁྱུང་རྭར་ཉི་འོད་བྱུགས་པའི་རྒོད་པོ་ཨང་།
ཉིན་དེ་ནས་གང་དུ་འཕུར་སོང་།

                      ཕྱག་ལ།

རྫ་སྨུག་པ་གཉི་གའི་དཀྱིལ་ནས།
ཤ་རུས་པ་གཉི་ག་རྙེད་ཐལ།
མྱེ་མཆུ་འབུད་མཁན་དག་ཕར་ལ་སོང་ཤུལ་དུ།
སྒྲ་ཡི་ལྕེ་རྩེར་ཁ་བ་ཆགས་པ་མཐོང་ཡང་།
ཆང་མ་གཉིད་ལ་ཤོར་པས།
མཆོད་ཆང་ས་རུ་ཐིམ་སོང་།

ངས་བཀྲ་ཤིས་པའི་ཚུལ་གྱིས་ཚངས་དབྱངས་རྒྱ་མཚོ་དྲན་བྱུང་།
མཁའ་འགྲོ་ཡེ་ཤེས་མཚོ་རྒྱལ་དྲན་བྱུང་།
ཆང་ཧུབ་གང་དྲན་བྱུང་།

                        ཙ་རི།

ཉི་ནུབ་ཀྱི་ཟླ་འོད་དེ་མཐོང་མ་སོང་།
ཚིག་གི་རལ་བ་བསླེས་མ་དེ་སྐམ་སོང་སྐད།

མཚན་ལ་རི་ནས་བབས་པའི་རླུང་གི་ངག་སྒོ་ཁོ་ན།
ཙ་རིའི་རི་ན་ལུས་འདུག

རལ་གྲི་བོར་བའི་ལག་པ་དེ།
སྙིང་རྗེ་བོ་འདུག


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ས་དམར་གྲགས་པས་བརྩམས་པའི་སྙན་ཚོམ། 《ཕྱག་ལ》

2018-07-27 ས་དམར་གྲགས་པ། ཀློག་གྲངས། མཆན ཡོད།



                     ལྷོ་སྒོ།

ངས་རྡོ་བའི་ས་བོན་ཞིག་རང་གི་ནང་ཁོག་ཏུ་བཏབ།
རུས་པ་རྡོ་རུ་འགྱུར་བར་བསྔོ་སྨོན་བྱས།

ར་མ་སྒང་གྲུ་ཁ་ནས་མིག་གིས་མ་ཟིན་པའི་འཇའ་ཡི་ལག་པ་ཞིག་བཙལ།
སྤྲིན་པ་རླུང་དང་འཕྲད་པར་ཡུན་རིང་བསྒུགས།

གསེར་གྱི་བྱེ་མ་དག་ལས་ཡི་གེ་འཁྲུངས་པར་ལོ་ཚིགས་བྲིས།
ས་ཁྲའི་ངོས་ནས་ཁྲུང་ཞུ་མ་ཞིག་དྲན།

ངས་མཆོད་ཁང་ནང་དུ་པེ་ཁཱ་སོ་ཡི་རི་མོ་བཤམས།
ལྷ་སར་ཆར་པ་འབབ་པར་རེ་ལྟོས་བྱས།

ཁྲུང་ཁྲུང་གཉིས་མཉམ་དུ་རྒྱང་ལ་འཕུར།
གྲིབ་མ་གསུམ་ས་ལ་དཔར།

ལྷ་ས་ནི་སྙན་ངག་ཅིག་གོ།
མི་ཡི་དཀྱིལ་འཁོར་ཞིག་གོ།

                      འཕྱོངས་རྒྱས།

བསང་རྡུལ་གྱི་ཁྲབ་རྨོག་གྱོན་པའི་ནམ་མཁའ་རུ།
སོག་སྐད་ལས་རྒྱ་ཡན་དུ་ཤོར་བའི་གཞས་གདངས་ཤིག་འཁོར་འདུག
རུས་མཛོད་ཀྱི་མིང་ཚིག་འགྲེལ་བྱེད་ཀྱི་སྒྲོག་གུ་དཀར་པོ་ཞིག
ལུས་ཀྱི་ཁང་སྟོང་ཉུལ་བའི་གྲིབ་མ་ཞིག་ཏུ་གྱུར།

དངུལ་དཀར་གའུ་དེ་དྲན་བྱུང་ངམ། དོ་བདག་ཆང་མ་དེ་དྲན་བྱུང་ངམ།
ཁྲུང་རྐྱན་ནང་གི་ལོ་ཚིགས་ལ་ཤོད་རྒྱུའི་སྐད་ཆ་དེ་དག
མཆོད་པ་འབུལ་བའི་ཚུལ་གྱིས།
ལྷ་སྐུ་ཞིག་ལ་བཅོལ་ཟིན།

རྡོ་བ་དཀར་ནག་གི་ཚོན་རྩི་མ་ཕོག་པའི།
འཁོར་བའི་བློས་བསླངས་ནང་གི་མི་དེ་གང་དུ་ཕེབས་སོང་།
ངག་ལ་གཞས་གདངས་གསོས་པའི།
ཚིག་གི་རུས་པ་སྲ་མོ།

                       ཡར་ལྷ་ཤམ་པོ།

སེང་གེའི་རལ་བ་ལྟ་བུའི།  གཡུ་འབྲུག་གི་སྒལ་བ་ལྟ་བུའི།  
སྟོབས་ཀྱིས་འགྱིང་བའི་ཡར་ལྷ་ཤམ་པོ།
གོས་དཀར་ཉི་མས་ཚིག་འདྲའི་རི་རྒྱུད་འདི་རུ།
ཁྱོད་ཀྱི་རུས་པ་གྲང་མོར་ལུས་ཡོད་དམ།

སྤོབས་པ་གནམ་ལ་མི་ཤོང་བའི་བྱ་རྒོད་ཀྱི་ཚོགས་དག
རྫ་གསེང་གི་རྩྭ་ཟིལ་ལས་གཙང་བོར་འདྲེས་རྗེས།
གངས་རིའི་ཤུལ་དུ་རྡོ་བ་འབུས་སོང་ངམ།

ང་རང་ཨ་མདོ་བ་ཞིག་སྟེ།
རུས་གསེང་དུ་ཁྱོད་ཀྱི་གངས་ཆབ་བཞུར་མྱོང་བའི།
ཐག་རིང་མགྲོན་པོ་ཞིག་གོ།

                        ལྷུན་རྩེ་རྫོང་།

རྐང་པ་ཆེ་རུ་ཕྱིན་འདུག་གམ། ལྷམ་མགོ་ཆུང་དུ་ཕྱིན་འདུག་གམ།
མིག་གི་མཐའ་རུ་བཏབ་པའི་ཕྲ་རྒྱན་འདི་དག  
ངའི་མིང་གི་ཕྱེད་ཀ་དང་འདྲ་བའི།
བསྔོ་སྨོན་གྱི་སྣེ་ལ་འཇུས་པའི་སྤྲིན་པ་དཀར་ནག་དེ་རེད་དམ།
བཅོལ་གདམས་གྱི་རྭ་ལས་ཤོར་བའི་ལུས་ཀྱི་ངལ་བ་འདི་དག  
དེ་རིང་ངས་གཞི་ནས་ཁྱོད་བཅོལ་ཐུབ་པ་བྱུང་།
ང་རྒྱལ་གྱིས་འགྱེལ་མ་མྱོང་བའི་རྟ་པ་དེ་དག
གཉལ་གཞུང་གི་སྙེ་མ་འདི་དག་གོ།

                       ཡང་རྩེ་དགོན།

བྱ་རྒྱལ་འཕུར་ལམ་གསལ་ཡང་།
ཤི་བོའི་རྣམ་ཤེས་བདེའམ།
སེམས་ཀྱི་སྨྱུག་ཁ་ནས་བབས་པའི་ཆར་བ་འདི་དག་གིས།
ཅི་ཞིག་འཚེམ་བཞིན་འདུག་གམ།

ཁྱུང་རྭར་ཉི་འོད་བྱུགས་པའི་རྒོད་པོ་ཨང་།
ཉིན་དེ་ནས་གང་དུ་འཕུར་སོང་།

                      ཕྱག་ལ།

རྫ་སྨུག་པ་གཉི་གའི་དཀྱིལ་ནས།
ཤ་རུས་པ་གཉི་ག་རྙེད་ཐལ།
མྱེ་མཆུ་འབུད་མཁན་དག་ཕར་ལ་སོང་ཤུལ་དུ།
སྒྲ་ཡི་ལྕེ་རྩེར་ཁ་བ་ཆགས་པ་མཐོང་ཡང་།
ཆང་མ་གཉིད་ལ་ཤོར་པས།
མཆོད་ཆང་ས་རུ་ཐིམ་སོང་།

ངས་བཀྲ་ཤིས་པའི་ཚུལ་གྱིས་ཚངས་དབྱངས་རྒྱ་མཚོ་དྲན་བྱུང་།
མཁའ་འགྲོ་ཡེ་ཤེས་མཚོ་རྒྱལ་དྲན་བྱུང་།
ཆང་ཧུབ་གང་དྲན་བྱུང་།

                        ཙ་རི།

ཉི་ནུབ་ཀྱི་ཟླ་འོད་དེ་མཐོང་མ་སོང་།
ཚིག་གི་རལ་བ་བསླེས་མ་དེ་སྐམ་སོང་སྐད།

མཚན་ལ་རི་ནས་བབས་པའི་རླུང་གི་ངག་སྒོ་ཁོ་ན།
ཙ་རིའི་རི་ན་ལུས་འདུག

རལ་གྲི་བོར་བའི་ལག་པ་དེ།
སྙིང་རྗེ་བོ་འདུག


རྩོམ་སྒྲིག་པ། ལྷ་སྐྱིད།

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།