ཚིག་གི་རོལ་རྩེད།(ཞར་བཀོད་གཉིས་ཡོད)
བདག་གིས་བླ་མར་ཞུ་བ
ས་གཞི་ནི་ཅི་ཞིག་ལགས
བླ་མས་བཀའ་བསྩལ་བ
དེ་ནི་ཀེང་རུས་ཀྱིས་གང་བའོ
ཡང་བདག་གིས་ཞུ་བ
བུད་མེད་ནི་ཅི་ཞིག་ལགས
བླ་མས་བཀའ་བསྩལ་བ
དེ་ནི་ཀེང་རུས་ཆ་ཚང་བ་ཞིག་གོ
ཡང་བདག་གིས་ནན་གྱིས་ཞུ་བ
དམར་རྗེན་རྗེན་གྱི་མཆུ་སྒྲོས་དང་དཀར་འཇམ་གྱི་བརླ་ཤ
ཟག་བཅས་བདེ་སྦྱིན་གྱི་མཚན་མ་ནི་ཅི་ཞིག་ལགས
བླ་མས་སྒམ་ཚུགས་ཀྱིས་སྨྲས་པ
དེ་དག་ནི་སྣང་བ་བན་བུན་ཞིག་གོ
བདག་གིས་སྨྲས་པ
བླ་མས་དེ་དག་མཐོང་བའམ་མྱོང་བ་ལགས་སམ
བླ་མས་འཛུམ་པ་དང་བཅས་སྨྲས་པ
ཁྱོད་ཀྱི་བླ་མ་ནི་གཟུགས་མི་སྡུག་ཅིང་དབང་པོ་མ་ཚང་བའོ།།
རྨི་ལམ་དེའི་ཕ་རོལ་ན
མི་རྣམས་དལ་བྲེལ་མེད་པར་གཉིད་དུ་ཡུར
མིག་གཡས་གཡོན་གཉིས་ཀྱི་བར་ཐག་ལས་མེད་པའི
ཚེ་འདི་ཕྱི་གཉིས་ཀྱི་མཚོ་ཀློང་དུ
མི་ཞིག་ཁེར་རྐྱང་ངང་ཆུ་གྲུར་ཞུགས
འདུག་མི་བཟོད་པ་ནི་ང་ཡི་ལག་ཟུང་སྟེ
ཅི་བྱ་གཏོལ་མེད་ཀྱི་དུས་སུ
ང་རང་ཐོ་ཡོར་ཇི་བཞིན་ཉིན་གཅིག་ལ་འགྲེང་ནས་སྡོད་དུ་བཅུག
ཁྱོད་ཀྱིས་རྒྱང་རིང་གི་ནམ་མཁའི་ངོས་སུ་རྨི་ལམ་བསྒྲིགས
རྨི་ལམ་དང་ང་ཡི་ལག་ཟུང་འཕྲད་ཙམ་བྱས
ལུང་བསྟན་ལྟ་བུའི་མེ་ལོང་གི་ནང་དུ
དྲན་ཤེས་ཀྱི་མིང་གིས་འབོད་པ་དག་རབ་རིབ་ཀྱི་རི་མོ་ཞིག་ཏུ་བྲིས
ང་ཡིས་ཁྱོད་རང་འཚོལ་འདོད་ཀྱིས་ལག་པ་ཕར་ལ་བསྲིངས་ཀྱང
དེས་བསྐྱེད་པའི་སྐྱོ་གདུང་གིས་ང་རང་ཡལ་དུ་བཅུག
མི་ཚེའི་སྙིང་པོ་ཅི་ཡིན་ནམ་སྙམ་པའི་སེམས་ཁྲལ་དེས
གཉིད་དུ་ཡུར་ཚེ་རྨི་ལམ་ཡང་སད་པར་བྱས
གཅིག་པུར་མཚན་ལམ་བརྒལ་དུས ཐོལ་གྱིས་དྲན་ཡོང་བ་དང
སྐད་ཅིག་མའི་སྐྱོ་ཤས་ཀྱིས་ཟིན་པ་འདི་དག་གིས
ང་ལ་གློ་བུར་དུ་ཡར་ལངས་ནས་འགྲོ་འདོད་ཀྱི་སེམས་པ་ཡང་ཡང་སྟེར།
2019· 10·17
གཉིད་ལས་སད་རྗེས་ཀྱི་མིག་ཟུང་ནམ་མཁའ་དང་འདྲ་བ་དེ
ཧི་མ་ལ་ཡ་ཟེར་བའི་རི་བོ་མཐོ་ས་དེ་ནས
བདག་གི་རྟ་ཕོ་དང་ཁྱོད་ཀྱི་ལུ་གུ་དག་གི་རྗེས་སུ་བསྙེགས་སོང
མཚན་མོར་མེ་ཕུང་སྐོར་བྲོ་རྡུང་མཁན་གྱི་མི་རྣམས
དལ་བྲེལ་མེད་པར་རང་རང་གི་མལ་དུ་འཛུལ་རྗེས
རྨི་ལམ་ནས་མཆེད་པའི་རུས་པ་དཀར་པོ་དེ
དབུས་ལམ་གྱི་ཉི་མ་ཁོ་ནས་བདག་གིར་བྱས
སྡེ་འདབས་ནས་གླུ་ཆུང་སིང་སིང་གཏོང་བའི་བུ་མོ་དེ
ཁ་སང་གྲོང་ཁྱེར་དུ་སོང་ཤུལ་ནས་ཕྱིར་ལོག་མ་བྱུང
སྤང་ལས་སྐྱེས་པའི་མལ་སྟན་འཇམ་པོ་དག
ད་ནི་དུས་ཚོད་ཀྱི་མེ་ཡིས་འཚིག་གིན་པ་ཐག་གིས་ཆོད
ལོ་རྒྱུས་ཀྱི་སྨུག་པ་རླུང་གིས་ཡང་ཡང་བསེད་རྗེས
འུར་རྡོའི་ལྕག་སྐད་ཅིག་གིས
བར་སྣང་ལ་ཁུར་སོང་བའི་བདག་གི་རྟ་ཕོ
གྲང་ཤུར་ཤུར་གྱི་སྤྲིན་པར་ཞོན་ནས་གང་དུ་བུད་སོང་ངམ།
2019. 8. 21
ས་གཞི་ནི་ཅི་ཞིག་ལགས
བླ་མས་བཀའ་བསྩལ་བ
དེ་ནི་ཀེང་རུས་ཀྱིས་གང་བའོ
ཡང་བདག་གིས་ཞུ་བ
བུད་མེད་ནི་ཅི་ཞིག་ལགས
བླ་མས་བཀའ་བསྩལ་བ
དེ་ནི་ཀེང་རུས་ཆ་ཚང་བ་ཞིག་གོ
ཡང་བདག་གིས་ནན་གྱིས་ཞུ་བ
དམར་རྗེན་རྗེན་གྱི་མཆུ་སྒྲོས་དང་དཀར་འཇམ་གྱི་བརླ་ཤ
ཟག་བཅས་བདེ་སྦྱིན་གྱི་མཚན་མ་ནི་ཅི་ཞིག་ལགས
བླ་མས་སྒམ་ཚུགས་ཀྱིས་སྨྲས་པ
དེ་དག་ནི་སྣང་བ་བན་བུན་ཞིག་གོ
བདག་གིས་སྨྲས་པ
བླ་མས་དེ་དག་མཐོང་བའམ་མྱོང་བ་ལགས་སམ
བླ་མས་འཛུམ་པ་དང་བཅས་སྨྲས་པ
ཁྱོད་ཀྱི་བླ་མ་ནི་གཟུགས་མི་སྡུག་ཅིང་དབང་པོ་མ་ཚང་བའོ།།
རྨི་ལམ་དེའི་ཕ་རོལ་ན།
རྨི་ལམ་དེའི་ཕ་རོལ་ན
མི་རྣམས་དལ་བྲེལ་མེད་པར་གཉིད་དུ་ཡུར
མིག་གཡས་གཡོན་གཉིས་ཀྱི་བར་ཐག་ལས་མེད་པའི
ཚེ་འདི་ཕྱི་གཉིས་ཀྱི་མཚོ་ཀློང་དུ
མི་ཞིག་ཁེར་རྐྱང་ངང་ཆུ་གྲུར་ཞུགས
འདུག་མི་བཟོད་པ་ནི་ང་ཡི་ལག་ཟུང་སྟེ
ཅི་བྱ་གཏོལ་མེད་ཀྱི་དུས་སུ
ང་རང་ཐོ་ཡོར་ཇི་བཞིན་ཉིན་གཅིག་ལ་འགྲེང་ནས་སྡོད་དུ་བཅུག
ཁྱོད་ཀྱིས་རྒྱང་རིང་གི་ནམ་མཁའི་ངོས་སུ་རྨི་ལམ་བསྒྲིགས
རྨི་ལམ་དང་ང་ཡི་ལག་ཟུང་འཕྲད་ཙམ་བྱས
ལུང་བསྟན་ལྟ་བུའི་མེ་ལོང་གི་ནང་དུ
དྲན་ཤེས་ཀྱི་མིང་གིས་འབོད་པ་དག་རབ་རིབ་ཀྱི་རི་མོ་ཞིག་ཏུ་བྲིས
ང་ཡིས་ཁྱོད་རང་འཚོལ་འདོད་ཀྱིས་ལག་པ་ཕར་ལ་བསྲིངས་ཀྱང
དེས་བསྐྱེད་པའི་སྐྱོ་གདུང་གིས་ང་རང་ཡལ་དུ་བཅུག
མི་ཚེའི་སྙིང་པོ་ཅི་ཡིན་ནམ་སྙམ་པའི་སེམས་ཁྲལ་དེས
གཉིད་དུ་ཡུར་ཚེ་རྨི་ལམ་ཡང་སད་པར་བྱས
གཅིག་པུར་མཚན་ལམ་བརྒལ་དུས ཐོལ་གྱིས་དྲན་ཡོང་བ་དང
སྐད་ཅིག་མའི་སྐྱོ་ཤས་ཀྱིས་ཟིན་པ་འདི་དག་གིས
ང་ལ་གློ་བུར་དུ་ཡར་ལངས་ནས་འགྲོ་འདོད་ཀྱི་སེམས་པ་ཡང་ཡང་སྟེར།
2019· 10·17
ཡུལ་ལ་ལོག་དུས།
ལོ་རྒྱུས་ཀྱི་སྨུག་པ་རི་རྒྱལ་ལ་དམ་དུ་དཀྲིས་རྗེས
སྦྲ་ཡི་ཁ་ཚུབ་ན་ཆེམ་ཆེམ་དུ་འཕྲོ་བའི་ཉི་འོད་དེ
ང་ཡི་ལུས་སྟེང་གི་དྲོད་སྣང་དང་ལྷན་གཅིག་ནར་སོན
དུས་ཚོད་ཉིད་ཀྱང་ཨ་མའི་ལན་བུ་དང་འདྲ་བར་རིང་པོ་ཞིག
གཉིད་ལས་སད་རྗེས་ཀྱི་མིག་ཟུང་ནམ་མཁའ་དང་འདྲ་བ་དེ
ཧི་མ་ལ་ཡ་ཟེར་བའི་རི་བོ་མཐོ་ས་དེ་ནས
བདག་གི་རྟ་ཕོ་དང་ཁྱོད་ཀྱི་ལུ་གུ་དག་གི་རྗེས་སུ་བསྙེགས་སོང
མཚན་མོར་མེ་ཕུང་སྐོར་བྲོ་རྡུང་མཁན་གྱི་མི་རྣམས
དལ་བྲེལ་མེད་པར་རང་རང་གི་མལ་དུ་འཛུལ་རྗེས
རྨི་ལམ་ནས་མཆེད་པའི་རུས་པ་དཀར་པོ་དེ
དབུས་ལམ་གྱི་ཉི་མ་ཁོ་ནས་བདག་གིར་བྱས
སྡེ་འདབས་ནས་གླུ་ཆུང་སིང་སིང་གཏོང་བའི་བུ་མོ་དེ
ཁ་སང་གྲོང་ཁྱེར་དུ་སོང་ཤུལ་ནས་ཕྱིར་ལོག་མ་བྱུང
སྤང་ལས་སྐྱེས་པའི་མལ་སྟན་འཇམ་པོ་དག
ད་ནི་དུས་ཚོད་ཀྱི་མེ་ཡིས་འཚིག་གིན་པ་ཐག་གིས་ཆོད
ལོ་རྒྱུས་ཀྱི་སྨུག་པ་རླུང་གིས་ཡང་ཡང་བསེད་རྗེས
འུར་རྡོའི་ལྕག་སྐད་ཅིག་གིས
བར་སྣང་ལ་ཁུར་སོང་བའི་བདག་གི་རྟ་ཕོ
གྲང་ཤུར་ཤུར་གྱི་སྤྲིན་པར་ཞོན་ནས་གང་དུ་བུད་སོང་ངམ།
2019. 8. 21
རྩོམ་སྒྲིག་པ། གངས་དགའ།
(མཆོད་མེའི་པར་དབང་གཞན་གྱིས་དགོལ་མི་རུང)
རྩོམ་ཁུངས། ངེད་དྲ་བ།